«Сенің «жоқ» - маңызды» бейнероликтер байқауындағы жеңіс
2023 жылғы 25 қазанда «Сенің «жоқ» - маңызды» сыбайлас жемқорлыққа қарсы форумы өтті. Қарағанды облысының жастар саясаты басқармасы ҚР Сыбайлас жемқорлыққа қарсы іс-қимыл агенттігінің Қарағанды облысы бойынша департаментімен бірлесіп ұйымдастырған. Форум аясында облыстық «Сенің «жоқ» - маңызды» сыбайлас жемқорлыққа қарсы бейнероликтер байқауының қорытындысы шығарылды.
Байқау қорытындысы бойынша Қаржы, логистика және цифрлық технологиялар факультетінің студенті, университет студенттік парламентінің төрағасы Егінбай Мұхамедқалы 65 бейнероликтің арасында үздік атанды. Жүлделер мен дипломдарды облыс әкімінің орынбасары Е. Б. Құсайын және ҚР Сыбайлас жемқорлыққа қарсы іс-қимыл агенттігінің Қарағанды облысы бойынша департаменті басшысының бірінші орынбасары А. А. Арыстанбеков табыс етті.
Іс – шараның негізгі мақсаты-жастарды сыбайлас жемқорлыққа төзбеушілікке баулу, сыбайлас жемқорлыққа қарсы күрес әдістері туралы айту және сыбайлас жемқорлық әрекеттерінің салдары қандай екенін түсіндіру. Мұндай іс-шараларды өткізу қоғамның сыбайлас жемқорлыққа қарсы іс-қимыл проблемасына шынайы қызығушылығын тудырады.
Осындай шығармашылық форматта Жастар сыбайлас жемқорлық жағдайларының теріс салдары, сыбайлас жемқорлыққа қарсы шаралар және оларды іске асыру мәселелері туралы өз пікірлерін білдірді.
Жас балалардың бастамаларының арқасында тәжірибеге жаңа идеялар, технологиялар енгізілуде, өзекті мәселелерді шешуге жаңа көзқарастар пайда болуда.
Егінбай Мұхамедқалыны құттықтаймыз және шығармашылық идеялар мен шабыт тілейміз!
 |
 |
