«AntiParaCraft–2025» республикалық сыбайлас жемқорлыққа қарсы квестінде I орын
Қарағанды Казтұтынуодағы университетінің командасы Республикалық «AntiParaCraft–2025» квест-ойынында І орын алды.
Аталған іс-шараны Қазақстан Республикасының Сыбайлас жемқорлыққа қарсы іс-қимыл агенттігі еліміздің жоғары оқу орындары арасында ұйымдастырды. Мақсаты — жастардың азаматтық ұстанымын қалыптастыру және сыбайлас жемқорлыққа қарсы иммунитетін нығайту.
 |
 |
 |
Команда құрамы:
- капитан – Мұхтар Арина Аяновна,
- қатысушылар – Шакирова Алина Ренатовна, Айтпаева Даяна Нұркенқызы,
- ғылыми жетекші – Федотов С.В.
Квест бес кезеңнен тұрды. Алғашқы үш кезең онлайн форматта өтті:
- ҚР заңнамасы бойынша тест,
- бейнероликтер байқауы,
- SMART жобалар байқауы.
Финалдық кезеңдер 2025 жылғы 28–29 мамыр күндері Павлодар қаласында өтті. Онда қатысушылар команданың таныстырылымын (визитка), брейн-ринг сайысын және өздерінің сыбайлас жемқорлыққа қарсы жобаларын ұсынды.
Қазылар алқасы студенттердің жоғары деңгейдегі дайындығын және ұсынылған жобаның өзектілігін атап өтті. Жоба ҚР Сыбайлас жемқорлыққа қарсы іс-қимыл агенттігіне тәжірибеде қолдану үшін ұсынылды.
Команда жеңісі үшін кубок, І дәрежелі диплом және 300 000 теңге көлеміндегі сертификат иеленді.
Жеңімпаздарды шын жүректен құттықтаймыз!
