«Туризм және мейрамхана ісі» кафедрасы «Туризм» мамандығының студенттері Қарағанды облыстық тарихи-өлкетану мұражайына шығу сабағы

22-ші ақпан 2017 жылы сағат 13-00-15.00 аралағында «Туризм және мейрамхана ісі» кафедрасы «Туризм» мамандығының Тур-24с, Тур-31к, Тур-21к, Тур-22 тобы студенттері Қарағанды облыстық тарихи-өлкетану мұражайына «Мұражайтану» пәні бойынша кәсіпорын базасына шығу сабағын ұйымдастырды. Бағдарлама тақырыбы 2017 жылы Астана қаласында өтетін ЭКСПО-2017 көрмесінің ашылуына арналды.
Қарағанды облыстық мұражайы ұйымдастырған іс-шарада мұражай өкілдері «Мұражай туризмдегі әлеуметтік-медени кеңістік феномені ретінде» тақырыбында жоба-презентацияларын, Қарағанды облысы бойынша туристік-маршруттарын көрсетті. Аталмыш іс-шарада Қарағанды облысының мәдениет-мұрағат және құжаттама басқармасының жетекшісі Е.Ж. Агимбаев, және де ҚҚЭК «Туризм» мамандығының түлегі, Қарағанды облысының кәсіпкерлік басқарамасы туризм және сыртқыэкономикалық байланыс бөлімінің жетекшісі Д.Б Альжанов қатысты. Сонымен қатар, іс-шарада қаланың және облыстың туристік фирмаларының өкілдері де болды.
Жалпы, іс-шараға қатысу барысында, студенттері жаңа дағдылар мен білімдерді игеріп, қажетті тәжірибе алды. Турфирма және мұражай өкілдері біздің «Туризм» мамандығы студенттеріне қызығушылық танытты, келешекте базаларында тәжірибе өтіп, ынтымақтастықты жалғастырамыз деп үміттенеміз.