ХАЛЫҚАРАЛЫҚ ҒЫЛЫМИ-ТЕОРИЯЛЫҚ КОНФЕРЕНЦИЯ: "АҚПАРАТТЫҚ ЖАҺАНДАНУ ЖАҒДАЙЫНДА ҒЫЛЫМ МЕН БІЛІМ БЕРУДІ ДАМЫТУДЫҢ ЗАМАНАУИ ҮРДІСТЕРІ"

2020 жылғы 16 қазанда Қазтұтынуодағы Қарағанды экономикалық университетінің Экономикалық және құқықтық зерттеулер ғылыми-зерттеу Институты ҒЗИ құрылуының 10 жылдық мерейтойына арналған "Ақпараттық жаһандану жағдайында ғылым мен білім беруді дамытудың заманауи үрдістері" атты Халықаралық ғылыми-теориялық конференция өткізді. Конференция ZOOM алаңында министрліктер мен ведомстволардың, ғылыми мекемелер мен кәсіпорындардың басшылары мен қызметкерлерінің, ғылыми-педагогикалық қызметкерлердің, ғылыми қызметкерлердің, докторанттардың, аспиранттардың, магистранттар мен студенттердің қатысуымен өтті.
Пленарлық мәжілісте сөз сөйлегендер: ҚҚЭУ ғылыми жұмыс, стратегиялық және инновациялық даму жөніндегі проректоры, э.ғ.д., профессор Накипова Г.Е.; Экономикалық және құқықтық зерттеулер ғылыми-зерттеу институтының директоры, з.ғ.д., профессор Ханов Т.А.
Жалпы отырыста Ресей Федерациясы жоғары мектебінің еңбек сіңірген қызметкері, з.ғ.д., профессор Волчецкая Т. С. (И. Кант атындағы Балтық федералды университеті, Калининград қ., РФ) «Сот сараптамасы саласындағы ғылыми зерттеулердің заманауи тенденциялары» тақырыбында; ҚҚЭУ ҒЗЖ МДО директоры, э.ғ.д., профессор Таубаев А.А. «ЕАЭО елдерінің ғылыми-инновациялық өзара іс-қимылының мәселелері мен болашағы» тақырыбында; э.ғ.д., доцент Коваль Л.Н. (Хмельницкий кооперативтік сауда-экономикалық институты, Хмельницкий қаласы, Украина) «Виртуалды музей платформаларының заманауи дидактикалық мүмкіндіктері: қонақ үй мен мейрамхана бизнесіндегі бакалаврларды даярлау мысалында» тақырыбында; э.ғ.к., доцент Капелюк С.Д. (Сібір тұтынушылар кооперациясы университеті, Новосибирск қ., РФ) «Ауыл тұрғындарының жеке қосалқы шаруашылықтардағы жұмыспен қамтылуын статистикалық талдау» тақырыбында; э.ғ.к., доцент Фатхлисламова Г.Ф. (РФ Президенті жанындағы Ресей халық шаруашылығы және Мемлекеттік қызмет академиясы, Мәскеу қаласы) «Зейнетақы жүйесінің қаржыландырылатын құрамдас бөлігінің жұмыс істеуіндегі ресейлік тәжірибе» тақырыбында.
Үзілістен кейін 7 секциялық отырыс бойынша жұмыс жалғастырылды. Конференция қорытындысы бойынша материалдар жинағы шығарылды.