Ғылым және жоғары білім форумы
2022 жылдың 24-25 тамызында Нұр-Сұлтан қаласында «Адам капиталы - Жаңа Қазақстанды дамытудың негізгі ресурсы» деген тақырыпта ғылым және жоғары білім форумы өтті.
Форум жұмысына академиялық мәселелер және стратегиялық даму жөніндегі проректор С.Т.Абеуова, ғылыми-зерттеу және интеграциялық қызмет жөніндегі проректор Г.Е.Накипова, ЭҚЗ ҒЗИ директоры Т.А.Ханов, Қазтұтынуодағы ҚарУ-дің жас ғалымдар Кеңесінің жетекшісі А.М.Тынгишева қатысты.
Форум аясында қазіргі заманғы білім берудің негізгі үрдістері талқыланды, Қазақстан Республикасы жоғары білім беру жүйесінің жаһандық трендтерге сәйкес дамуының бағыттары айқындалды, сондай-ақ ЖОО-лар мен ғылыми ұйымдар үшін басымдықтар мен міндеттер қалыптастырылды. Форум спикерлері ретінде Қазақстаннның ғылым және жоғары білім Министрлігінің өкілдері, ЖОО-лар мен ғылыми ұйымдардың басшылары, өкілдері, жұмыс берушілердің топ-менеджерлері, өкілдері, Қазақстанның студент қоғамдастығы, жас ғалымдар, сондай-ақ БАҚ өкілдері қатысты.
Біздің өкілдер:
- Қазақстанның ғылымы және жоғары білім беруі: өзгерістер нүктелері;
- Кредиттік оқыту технологияларының жаңа жағдайларындағы бағалау жүйесі;
- Ғылымиметрикалық деректер негізінде стратегиялық шешімдер қабылдау және THE И QS-ге олардың әсері;
- Технологияларды комерцияландырудың практикалық мәселелері;
- Қазақстан жастар көзімен;
- Адам капиталы – ел экономикасын дамытудың негізгі ресурсы сияқты әртүрлі сессиялар жұмысына қатысты.
