2020 жылдың 08 желтоқсанында студенттерді құқықтық тәрбиелеу аясында ZOOM платформасында "Жастар арасындағы әкімшілік құқық бұзушылық туралы" тақырыбында кездесу ұйымдастырылды. Кездесудің спикері Қарағанды облысы Полиция департаменті әкімшілік полиция басқармасы әкімшілік тәжірибе бөлімінің бастығы, полиция подполковнигі Е.А. Жартыбаев болды. Спикер студенттерді өзін-өзі тану мен өзін-өзі бағалауды арттыруға, құқықтық білімді насихаттауды арттыруға ынталандырды.
Кәсіптік бағдар беру жұмысы шеңберінде және 10 желтоқсанда атап өтілетін Халықаралық адам құқықтары күні қарсаңында Экономикалық қатынастарды құқықтық реттеу кафедрасының доценті з.ғ.к., доцент Сидорова Наталья Владимировна Қарағанды қаласының №86 ЖББОМ-де 2020 жыл 9 желтоқсанда онлайн викторина ұйымдастырып, өткізді.
Викторинаға 11 "Б" (Геракина Ева, Смирнова Мария, Агаджанян Егине) және 11 "В" сыныптарынан (Ермекова Аружан, Ахметова Адель, Бурабаев Сұлтан) құралған екі команда қатысты.
Викторина ZOOM платформасында «Своя игра» ойыны түрінде өтті. Ойын барысында бала құқығы, адам құқығы, адамның жеке құқықтары мен бостандықтары, адам құқықтары мен бостандықтарының Конституциялық бекітілуі, адам құқықтарының халықаралық стандарттары сияқты тақырыптар қозғалды.
Балалар өздерінің құқықтары мен бостандықтары туралы білімдерін көрсетуге, сондай-ақ құқықтық білімдерін толықтыруға мүмкіндік алды.
Балаларға өз жолын таңдауға және алдағы уақытта мемлекеттік емтихандар мен ҰБТ тапсыруға сәттілік тілейміз. Оларды біздің университетте талапкерлер немесе болашақ студенттер ретінде күтеміз!
08.12.2020 жылы сағат 12.00-де Қазтұтынуодағы Қарағанды экономикалық университетінің қазақ тілі және Қазақстан мәдениеті кафедрасының ұйымдастыруымен онлайн форматта «Рухани жаңғыру – ұлттық сана қалыптастырудың кепілі» тақырыбында аймақтық ғылыми семинар өткізілді.
Ғылыми семинардың мақсаты: Елімізде Елбасы Н.Ә.Назарбаевтың «Болашаққа бағдар:рухани жаңғыру» бағдарламасы аясында жүргізіліп жатқан іс-шараларға қомақты түрде үн қосу болып табылады.
Семинар қонақтары:
1. Ш.Уалиханов атындағы КМУ профессоры, ф.ғ.к С.Н.Жәмбек;
2. Ш.Уалиханов атындағы КМУ оқытушысы, ф.ғ.к Қажыбай А.Т.
3. Ө.А.Байқоңыров атындағы Жезқазған университеті, «Рухани жаңғыру» орталығының басшысы Кенжебек А.Х.
4. Е.А.Бөкетов атындағы ҚарУ доценті Ахметжанова Ж.Б.
5. Балхаш қаласындағы «Балқаш Сервис колледжі» КММ директордың оқу ісі жөніндегі орынбасары, магистр Тойғанбаева А.М.
6. Қазтұтынуодағы Қарағанды экономикалық университетінің ӘЖжҚХА кафедрасының оқытушысы, магистр Қызылов Н.Т. және кафедра оқытушылары мен университет студенттері.
Ғылыми семинарда «Ұлттық таным және ұлттық сана» (Қарағанды экономикалық университеті, қазақ тілі және Қазақстан мәдениеті кафедрасының доценті Ақатаева Ш.Б.), «Абай поэзиясы және ұлттық идея» (Ш.Уалиханов атындағы КМУ профессоры, ф.ғ.к С.Н.Жәмбек), «Рухани жаңғыру – табысты ел болуымыздың кепілі» (Ө.А.Байқоңыров атындағы Жезқазған университеті, «Рухани жаңғыру» орталығының басшысы А.Х.Кенжебек), «Қазақ халқының салт-дәстүрі, мәдениеті» (Әлеуметтік жұмыс және Қазақстан халқы Ассамблеясы кафедрасының оқытушысы, магистр Қызылов Н.Т.), «Алаш идеясы және тәуелсіздік рухы» (Қарағанды экономикалық университеті, қазақ тілі және Қазақстан мәдениеті кафедрасының доценті Топашов М.А.) тақырыбында баяндамалар жасалды.
Баяндамалар барысында Абай шығармаларындағы ұлттық идея, ұлттық мүдде, қоғамның болашағын айқындайтын, елдің мүддесінің сақталуына ықпал ететін ұлттық мінез, қоғамдық сана туралы айтылды.
Семинар барысында қатысушылар тарапынан сұрақтар қойылды, пікірталас болды, семинар өз мақсатына жетті.
2020 жылдың 5-желтоқсаны күні қазақ тілі және Қазақстан мәдениеті кафедрасының ұйымдастыруымен мектеп оқушылары арасында онлайн форматта «Тіл білгірі» атты пәндік олимпиада өтті.
Олимпиадаға 19 қалалық мектептен 70-тен аса 11 сынып оқушылары қатысты. Оқушылар пәндік олимпиада барысында мәтін бойынша сұрақтарға жауап беріп, берілген тақырыптар бойынша эссе жазды.
Сонымен қатар мектеп оқушыларына Қарағанды экономикалық университеті, ҰБТ туралы, КЭУ-дағы мамандықтар туралы мәлімет берілді. Пәндік олимпиаданың жүлдегерлері университет ректоры тарапынан 2021-2022 оқу жылында оқу ақысын төлеуде арнайы жеңілдік сертификаттарына ие болады. (5% 10% 15%) Олимпиада қорытындысы бойынша қазақ және орыс тілінде оқитын оқушылар арасында жүлделі орынға ие болған оқушылар:
11-сынып (қазақ сыныбы):
1-орын – Берікқызы Аида (№77 мектеп)
2-орын – Макимова Айша (№68 мектеп)
2-орын – Темірбаева Диана (№15 мектеп)
3-орын – Әлібек Балым (№81 мектеп)
3-орын – Шари Қымбат (№53 мектеп)
3-орын – Жұманова Әлия ((№81 мектеп)
11-сынып (орыс сыныбы):
1-орын – Нетовканая Инна (№83 мектеп)
2-орын – Кузьмина Валерия (№95 мектеп)
2-орын – Стеблякова Александра (№9 гимназия)
3-орын – Власенко Наталья (№1 гимназия)
3-орын – Артемьева Екатерина (№101 мектеп)
3-орын – Балтабаева Наргиз (№48 мектеп)
"Жайна" хореографиялық ансамблі "Ақ сұңқар"-"Белый сокол" балалар, жасөспірімдер және ересектер шығармашылығының VI Халықаралық қашықтық фестиваль - конкурсында жеңіске жетті (Қарағанды қ.)!
"Жайна" ХА байқауында "Халық хореографиясы" номинациясына "Ыңғайтөк" және "Харезм" билерімен қатысып, байқау нәтижелері бойынша Бас жүлде және I дәрежелі лауреат дипломдарымен марапатталды.
Жеңісіңізбен құттықтаймыз!!!
2020 жылғы 4 желтоқсанда Л. Н. Гумилев атындағы Еуразия ұлттық университетінде ЖОО студенттері мен магистранттарының "Үздік инновациялық start –up жобасы" атты халықаралық байқауы өтті.
Байқаудың мақсаты-жастарды ғылыммен және өнертапқыштықпен айналысуға ынталандыру, жұмыс нәтижелерін коммерцияландыру дағдыларын қалыптастыру, кәсіпкерлік қызметке дайындау және нарыққа шығару.
Байқауға 47 команда қатысты. Байқау қорытындысы бойынша ҚЭУ студенттері Жеңіс Асылтас Рамазанқызы, Кәкіш Шахризада Ертайқызы (ГМУ-18-1к), Абдрахманова Айзада Канатқызы (ГМУ-19-1к, ғылыми жетекшісі Ертай х.) start –up жобасы 3 орынға ие болды. Олар "DIGITAL UNIVERSITY" мобильді қосымшасының прототипін жасады.
Студенттерімізді лайықты жеңісімен құттықтаймыз және алдағы уақытта табыс тілейміз!
08.12.2020 ж. Бухгалтерлік есеп және аудит кафедрасы бухгалтерлік есеп және аудит бағдарламасының жоғары жетістікке жеткен түлектермен онлайн форматта (ZOOM платформасында) кездесу өткізді. Іс-шараға кафедраның профессорлық-оқытушылық құрамы және «Есеп және аудит» білім біру бағдарламасын төртінші курс студенттері қатысты. 2018, 2019 және 2020 жылғы түлектер шақырылды:
- Серикова Карина Сериковна – магистратура түлегі. KPMG көмекшісі - әлемдегі ең ірі кәсіби қызмет көрсету желілері және «Үлкен төрттік» аудиторлық фирмалардың бірі;
- Мельникова Эвелина Игоревна - магистратура түлегі .«PromTechnics» ЖШС бас есепшісінің орынбасары;
- Исаева Тамилла Этибарқызы - «EFES-KAZAKHSTAN» АҚ есепшісі;
- Аббас Гүлжамиля Айтбайқызы - «АРАҒАНДЫ ТАЗАЛЫ» ЖШС есепшісі;
- Нурбекова Бибігүл Нұрбекқызы - «Мәдениет үйі Қозы көрпеш-Баян Сұлу» КМҚК Шығыс Қазақстан облысы Аягөз ауданының есепшісі. Әр түлек жетістікке жетудегі тәжірибесімен бөлісті. Іс-шараның модераторы экономика магистрі, оқытушы Хасенова М.Е. болды.
«Есеп және аудит» кафедрасының тәрбие жұмысының жоспарына сәйкес магистр, «Есеп және аудит» кафедрасының аға оқытушысы Мусипова Л.К. Қазақстанның Тәуелсіздік күніне арналған «Менің тауелсіз Қазақстаным» тақырыбында кураторлық сағат өткізді. Іс-шараға кафедраның профессорлық-оқытушылық құрамы және студенттері қатысты. Қатысушыларға Қазақстанның Тәуелсіздік жылдарындағы жетістіктері туралы материал көрсетілді, 1986 жылғы Желтоқсан оқиғасында құрбан болғандар туралы естеліктер, тақырыпты жалғастыра отырып, Қалқаман Сариннің «Тәуелсіздік» шығармасы орындалды және «Қазақ елі» әні шырқалды.
2020 жылдың 3 желтоқсанында сағат 16-00-де Алматы қаласындағы Қазақстандық қонақ үйлер мен мейрамханалар қауымдастығының (КАГиР) өкілі Махамбетова Сәуле Азимханова "Туризм және мейрамхана ісі" кафедрасының оқытушыларымен "Мейрамхана ісі және мейманхана бизнесі" мамандықтарына арналған онлайн-вебинар, яғни "Teika boom" отбасылық мейрамханасының шеф-аспазы, "Тағамдар сиқыры" телеарнасының тележүргізушісі Евдокимов Артеммен кездесу ұйымдастырылды.
Артем мейрамханалардың даму тарихы туралы айтып, барлар мен мейрамханалардың даму перспективаларындағы айырмашылықтар мен ұқсастықтарды түсіндірді. Сондай-ақ, Қазақстандағы мейрамханаларды жылжыту жоспарларымен бөлісіп, еліміздегі брендтің даму ерекшелігін түсіндірді.
Кездесу өте пайдалы және қызықты өтті. Студенттер қызметкерлер, жабдықтар, асхана ыдыстары мен ас үй құрал-саймандары, тағам дайындау туралы өзекті ақпаратты тыңдап қана қоймай, сонымен қатар тамақ индустриясының дамуындағы қазіргі тенденциялар туралы білді. Қызу пікірталас түрінде өтті, оның барысында студенттер аспазшыдан барлық қызықтырған сұрақтарға жауап алды.
БҚТФ, ЭБКФ, ҚЛСТФ деканаттарының ұйымдастыруымен Рухани жаңғыру бағдарламасы аясында «Дәстүр trend» жастар және дәстүр сабақтастығы» тақырыбында кездесу өткізілді. Кездесу қонағы бизнес-спикер, ментор, «Каникар» клуб жетекшісі, ұлттық құндылықтарға негізделген «Алтын той» евент-агенттігінің негізін қалаушы, «Дәстүр тренд», «Келін курс», «Nauryzsha party» жобаларының жетекші ұйымдастырушысы Алтын Каникар болды. Алтын Каникар студенттерімізге ежелден келе жатқан дәстүрлерімізге таныстыру жасап, дәстүрлерімізді қайта жаңғырту үрдісіндегі жасалып жатқан іс-шаралар жайында мәліметтермен бөлісті. Спикер «Дәстүрлі құндылықтар – азаматтық қоғам дамуының негізі» және құндылықтарды қалай қалыптастырамыз деген сұрақтар бойынша студенттермен пікір алмасты.
