Университет және бизнес диалогы
2024 жылғы 11 желтоқсанда Қазтұтынуодағы Қарағанды университетінің Академиялық мәселелер жөніндегі проректоры, экономика ғылымдарының докторы, профессор Гүлмира Ермекқызы Накипова мен "Қарағандытранстелеком"филиалының басқарушы директоры Айдын Алтайұлы Акпаровтың достық кездесуі өтті. Күн тәртібінде – ынтымақтастық туралы меморандум шеңберінде іс-шаралар жоспарын келісу және өңірлік дамудың маңызды міндеттерімен бірлесіп жұмыс істеу.
Кездесуде ғылыми-педагогикалық және бейіндік бағыттар бойынша магистратурада оқыту арқылы компания қызметкерлерінің біліктілігін арттыру мүмкіндігі туралы; УШОС жобасы бойынша және MBA магистратурасында қос дипломды білім беру бағдарламалары бойынша, сондай-ақ кәсіпорынның цифрлық трансформациясын және жасанды интеллект жүйелерін қолдана отырып, бизнес-процестерді басқарудың заманауи технологиялары бойынша курстар арқылы біліктілікті арттыру мәселелері қаралды.
Өз кезегінде "Карагандатранстелеком" компаниясы біздің университеттің түрлі білім беру бағдарламаларының студенттері үшін өндірістік практикадан өтуді, оларды әрі қарай компания филиалында жұмысқа орналастыруды ұсынды.
Кездесу өзара түсіністік пен келісім атмосферасында өтті. Алдағы уақытта серіктестер көптеген бірлескен бастамалар мен жобаларды жүзеге асыруы керек.
Ірі бизнеспен бірлескен жобалар мен өзара іс-қимыл университет пен аймақтың алға жылжуына көмектеседі!
