«ДАМУ» ОҒӨК: студенттердің әлеуметтік-психологиялық дайындығын арттырудағы стратегиялық әріптестік

Жарияланған күні: 14 Ақпан 2023.

Алғашқы медициналық-санитариялық көмек биопсихоәлеуметтік үлгі базасында медициналық көмек көрсету жүйесінің негізі болып табылады және аурулар мен жай-күйлердің профилактикасы, диагностикасы, оларды емдеу, әлеуметтік-медициналық оңалту, сауаматты өмір салтын қалыптастыру және халықты санитариялық-гигиеналық ағарту жөніндегі іс-шараларды қамтиды. Қолжетімді және сапалы алғашқы медициналық-санитарлық көмекті қамтамасыз ету мамандардың, оның ішінде денсаулық сақтау жүйесінің әлеуметтік қызметкерлері мен психологтарының кәсіпқойлығына байланысты.
Психология, педагогика және әлеуметтік жұмыс кафедрасы медициналық мекемелердің ОҒӘК серіктестерімен тұрақты негізде өзара әрекеттеседі. «Гиппократ» МФ ЖШС қызметкерлерімен «Психология және білім берудегі менеджмент» және «Әлеуметтік жұмыс» білім беру бағдарламаларының студенттеріне арналған «Алғашқы медициналық - санитарлық көмек деңгейіндегі әлеуметтік-психологиялық жұмыс» тақырыбында «платина» дәрісі өткізілді. Дәріс спикерлері: әлеуметтік мәселелер жөніндегі әлеуметтік-психологиялық қызмет директорының орынбасары В.А. Нестерова, Захарова Алена Денисовна - клиникалық психолог, Палагина Наталья, Золотых Наталья - әлеуметтік жұмыс мамандары, Киндзерская Виктория Юрьевна – акушер-гинеколог. Салауатты өмір салтын қалыптастырудың, жастардың репродуктивті денсаулығын нығайтудың, стресс пен стресске төзімділікті басқарудың әлеуметтік-психологиялық әдістері мен технологиялары талқыланды.

Толығырақ...

«ТІЛ БІЛГІРІ» ОЛИМПИАДАСЫНЫҢ НӘТИЖЕСІ

Жарияланған күні: 13 Ақпан 2023.

2023 жылдың 7-ақпаны күні Экономика, басқару және кәсіпкерлік факультеті қазақ тілі және Қазақстан мәдениеті кафедрасының ұйымдастыруымен мектеп оқушылары арасында «Тіл білгірі» атты пәндік олимпиада өтті.
Олимпиадаға 16 қалалық мектептен 50-ден аса 11-сынып оқушылары қатысты. Оқушылар пәндік олимпиада барысында мәтін бойынша сұрақтарға жауап беріп, берілген тақырыптар бойынша эссе жазды. Сонымен қатар мектеп оқушыларына ҰБТ туралы, Қазтұтынуодағы Қарағанды университетіндегі мамандықтар туралы мәлімет берілді.
Олимпиада бойынша марапаттау 10 ақпан күні Қазтұтынуодағы Қарағанды университетінде өтеді. Олимпиада қорытындысы бойынша 1-3 орын алған оқушылар арнайы дипломдармен марапатталады. Марапаттау барысында қазақ және орыс сыныбының оқушылары жеке қарастырылады. Университет ректоры тарапынан 2023-2024 оқу жылында Қазтұтынуодағы Қарағанды университетіне оқуға түскен жағдайда оқу ақысын төлеуде 15 %, 10%, 5 %, жеңілдік сертификаттарына үздік нәтиже көрсеткен 6 оқушы (қазақ сыныбы 3, орыс сыныбы 3) ие болады. Орын алмаған, бірақ жақсы нәтиже көрсеткен қатысушыларға алғыс хаттар табыс етіледі.

Толығырақ...

«Болашақтың дағдылары: маман ретінде сұранысқа ие болуға және әрқашан ақшалы болуға не көмектеседі» тақырыбындағы семинар.

Жарияланған күні: 06 Ақпан 2023.

2023 жылдың 6 ақпанында Қазтұтынуодағы Қарағанды университетінің «Достық» коворкинг орталығы» технологиялық бизнес-инкубаторы студенттермен, кәсіпкер, бизнес-тренер және тәлімгер Ақмарал Рымбекқызы Баймағамбетовамен «Болашақтың дағдылары: сұранысқа ие маман болыңыз және әрқашан ақшалы болуға сізге не көмектеседі» тақырыбында кездесу ұйымдастырды.
Семинар барысында «Hard skills» және «Soft skills» түсінік ұғымдары ашылды және кәсіпорындардағы бизнес-процестерді түсінуге, кәсіпкерлік дағдыларды меңгеруге және бағдарламалық өнімдердің оңтайлы жиынтығын таңдай білуге, тұтынушылардың қажеттіліктерін анықтауға, қақтығыстарды басқару және тапсырмаларды ресімдеу мүмкіндігі талқыланды.
Студенттер семинар барысында алынған ақпараттар үшін ризашылықтарын білдіріп, одан әрі ынтымақтастыққа тілектерін білдірді. Бұл іс-шара студенттердің ой-өрісі мен интеллектуалдық өсуіне ықпал етеді, және кәсіби түрде өзін-өзі анықтауға көмектеседі.

Толығырақ...

Атамекен-2022 рейтингінің қорытындысы: Қазтұтынуодағы Қарағанды университетінің бағдарламалары үздіктер қатарында!

Жарияланған күні: 01 Ақпан 2023.

"Атамекен" ҚР Ұлттық кәсіпкерлер палатасы ғылым және жоғары білім Министрлігінің тапсырысы бойынша бесінші рет қазақстандық жоғары оқу орындарының білім беру бағдарламаларын тәуелсіз бағалауды қорытындылады.
Рейтинг 19 критерий бойынша өткізілді, олардың негізгілері: жұмысқа орналасу деңгейі, орташа жалақы, білім беру бағдарламаларын аккредиттеу, оқытушылардың сапасы, білім беру бағдарламаларының өзектілігі.
Қазтұтынуодағы Қарағанды университетінің білім беру бағдарламаларының іс жүзінде 50%-ы ТОП-10 рейтингке кірді, олардың ішінде:
Бағалау-3 орын;
Әлемдік экономика - 3 орын;
Халықаралық қатынастар - 3 орын;
Логистика - 4 орын;
Стандарттау және сертификаттау - 5 орын;
Есептеу техникасы және бағдарламалық қамтамасыз ету - 6 орын;
Азық-түлік технологиясы-8 орын;
Мейрамхана және қонақ үй бизнесі-9 орын.
Университеттің басқа бағдарламалары да рейтингте лайықты орындарға ие болды:
Ақпараттық жүйелер - 50 орыннан 12 орын;
Менеджмент - 36 орыннан 12 орын;
Құқықтану - 56 орыннан 13 орын;
Қаржы – 65 орыннан 13 орын;
Мемлекеттік және жергілікті басқару – 13 орын;
Туризм - 30 орыннан 17 орын;
Есеп және аудит-64 орыннан 20 орын;
Экономика-54 орыннан 25 орын;
Экология - 28 орын.
Рейтингке қатысқан университет бағдарламалары бойынша жұмысқа орналасу 66%-дан 100%-ға дейін, осы бағдарламалардың түлектерінің орташа жалақысы орта есеппен 134.825 теңгені, ал жұмыс іздеу уақыты 1,5 айдан 4 айға дейін.
Университеттің жетістіктеріне қосқан үлесі үшін баршаңызға алғыс айтамыз және жұмыста табыс тілейміз!

Толығырақ...

"Есеп және аудит" ББ мемлекеттік білім беру гранты бойынша оқитын студенттер III дәрежелі дипломға ие болды

Жарияланған күні: 31 Қаңтар 2023.

2022 жылдың желтоқсанында Ресей Федерациясының Мәскеу қаласында "корпоративтік есеп беру: есеп-бақылау және аналитикалық құралдардың шекараларын кеңейту" тақырыбында "С.Б. Барнгольцтің желтоқсандағы естеліктерін оқу (2022)"атты XIV Халықаралық ғылыми-практикалық конференция өтті.
Конференцияның ұйымдастырушысы-Ресей Федерациясының Үкіметі жанындағы Қаржы университеті.
Біздің университет мемлекеттік білім беру гранты бойынша оқитын УА-19-2 тобының "Есеп және аудит" білім беру бағдарламасының студенттері Бердібаева Амина мен Бондаренко Кристинаны ұсынды.
Студенттер "корпоративтік есептілік: ақпаратты қалыптастыру, ашу және верификациялау мәселелері" бакалаврларға арналған секция жұмысында "цифрландыру жағдайында Қазақстан Республикасындағы ХҚЕС сәйкес есептілікті жасау ерекшелігі"(ғылыми жетекшісі э.ғ. д., профессор Березюк В. И.) тақырыбында баяндама жасады.
Конференция қорытындысы бойынша студенттер 3-ші құрметті жүлделі орынға ие болды!
Студенттерімізді шын жүректен құттықтаймыз және үлкен шығармашылық жеңістер тілейміз!

Толығырақ...