09.12.2021 ж. «Банк менеджменті және қаржы нарықтары» кафедрасының аға оқытушысы, магистрі Исанов А.С. «Қаржы», «Юриспруденция» бойынша оқитын студенттер үшін «Достық» коворкинг-орталығы туралы арнайы «Дөңгелек үстелін» ұйымдастырды. Аталмыш жиында «Достық» коворкинг-орталығының негізгі міндеттері мен мақсаттары айтылды. Дөңгелек үстелге сонымен қатар «Құқықтану» кафедрасының оқытушылары да қатысып, өз ой-пікірлермен бөлісті.
2021 дың 6 желтоқсанында ТБИ Коворкинг орталығында Анастасия Голощукпен бірге " Қалай барлығына ұнайтын компания болуға болады " митапы өтті.
Митапта ол бизнесті алға жылжытудағы тәжірибесі және құпияларымен бөлісті. Митап қатысушылары:
- Клиентке бағдарлану дегеніміз не және оны қалай енгізу керек
- Сапаны бақылауды қалай жүргізу керек
- "Өнім үшін жауапкершілік"нені білдіреді?
- Тұрақты дамуды қалай қамтамасыз етуге болатынын білді.
Сондай-ақ, Анастасия маркетингтік стратегияны құру туралы айтты, соның арқасында компаниян басқаларға ұнайтындығына дәлелдер келтірді. Іс-шара Қарағанды облысының ақпараттандыру, мемлекеттік қызмет көрсету және архивтер басқармасының қолдауымен өтті.
2021 жылғы 7 желтоқсанда Қазтұтынуодағы Қарағанды университетінде онлайн форматта "Рухани жаңғыру" - Қазақстанның жаңа философиясы: атқа міну мәдениеті"атты дөңгелек үстел өтті.
Дөңгелек үстел "Әлеуметтік-саяси пәндер және Қазақстан халқы Ассамблеясы" кафедрасының ұйымдастыруымен "Рухани жаңғыру" бағдарламасын жүзеге асыру, "Атқа міну мәдениеті" шаруашылық келісім-шарт тақырыбын орындау және "Заманауи білім берудің теориясы мен практикасына философиялық талдау" атты бастамашыл тақырыпты орындау шеңберінде өткізілді.
Модератор - ф.ғ.к., профессор М.В. Клишина дөңгелек үстелдің мақсаты мен міндеттерін белгіледі. Конференция қатысушыларына университеттің әлеуметтік мәселелер жөніндегі проректоры, т.ғ. д., профессор Қ.Ж. Әбілов құттықтау сөз сөйлеп, тақырыптың пәнаралық сипатын, студенттердің одан әрі зерттеу, жобалау қызметінде талқыланатын тақырыптың маңыздылығын атап өтті.
Зерттеу қызметі, шығармашылық әлеуетті дамыту, дүниетанымды, ойлау мәдениетін қалыптастыру және студент жастардың қоғамдық санасын жаңғырту, патриотизм, азаматтық жауапкершілік шеңберінде маңыздылығы бар "жаңа философияның" орнын айқындайтын студенттердің баяндамалары талқыланды:
1. «"Мәңгілік Ел" стратегиясы және "Рухани жаңғыру" жобасы - Қазақстанның тарихи дамуының жаңа векторлары», Төлеуова Айдария Ю-20-4;
2. «Туған жер. Қазақстан табиғатының әсемдігі: эстетикалық, утилитаристік, экологиялық аспектілер». Шваб Магдалена Ю-20-4
3. «Қазақстандағы жылқы шаруашылығы: тарих және қазіргі заман. Жылқы зауыттары». Абросимова Екатерина Эко 20-2
4. «Атпен жүру-гедонистік және медициналық аспектілер». Кириакиди София ЭКО-20-2
5. «Ат туризмі». Төлеуова Айдария Ю-20-4
6. «Көшпенділер мәдениеті» тақырыбында М. Спицын мен А. Ярошенко ФКиСМ20-3 және т. б.
Әбілов Қ.Ж. пәнаралық дөңгелек үстел социогуманитарлық цикл пәндерін оқудың жарқын аяқталуына айналғанын және дөңгелек үстелге қатысушылардың жоғары зерттеу мәдениетін көрсеткенін атап өтті.
2021 жылдың 26 қарашасы күні Психология, педагогика және әлеyметтік жұмыс кафедрасының ұйымдастырылуымен Қазақстан Респyбликасы Тәyелсіздігінің 30 жылдығына арналған «ТӘУЕЛСІЗДІК – ТҰҒЫРЫМ» атты университетаралық интеллектyалдық-танымдық ойын өткізілді. Мерекелік іс-шараға Орталық Қазақстан академиясынан «Бүркіт» тобы, Қазтұтынyодағы ҚарУ «Қамқор» тобы қатысты. Интеллектyалдық ойын:
1) Кел, таныс болайық;
2) Болашақ мамандыққа қатысты «Жағдаяттық кейстер»;
3) Тәуелсіздігімізге қатысты «Блиц-сұрақтар»;
4) «1001 мақал-мәтел» атты 4 кезеңнен тұрды.
Жеңімпаздар мадақтама және алғыс хаттармен марапатталды.
Достық үйінде Қазақстан Респyбликасы Тәyелсіздігінің 30 жылдығына және «Алаш Орда» негізін қалаyшы қоғам қайраткерлері Ә.Бөкейханның, Ә.Ермековтың, Ж.Ақбаевтың мерейтойларына арналған «Алаш Орда мемлекеті және Тәyелсіз Қазақстан» байқаyының жеңімпаздарын марапаттаy өтті. ӘСП және ҚХА кафедрасының профессоры, тарихы ғылымдарының кандидаты Қыздарбеков Бірлік Қыздарбекұлының жетекшілігімен жазылған Психология, педагогика және әлеyметтік жұмыс кафедрасының стyденті Сейіткерей Райжанның ғылыми мақаласы ұйымдастырылған байқаyда 3 орынға ие болды және 30 000 теңгелік премия сертификатымен марапатталды.
Алматы қаласындағы Т.Жургенов атындағы қазақ ұлттық өнер академиясында “Отаным-бақ мекенім” атты Республикалық патриоттық ән байқауы өтті. 14 облыстан 83 қатысушы өз бағын сынап қатысты, жүйріктердің арасынан тек 15 қатысушы финалға жолдама алды. Финал Алматы қаласында өткізілді. Психология, педагогика және әлеyметтік жұмыс кафедрасының СР-18-1к тобының студенті Майрол Роза финалға жолдама алып ынталандыру сыйлағының иегері атанды. Әділқазылар алқасында ҚР еңбек сіңірген қайраткерлері, өнер жұлдыздары қазылық етті!
Қазақстан Респyбликасы жоғары оқy орындары стyденттерінің ХІІІ Респyбликалық пәндік онлайн-олимпиадасында 6B10201 - Әлеyметтік жұмыс білім берy бағдарламасы бойынша ІІІ орын алғаны үшін СР-19-1к тобының стyденті Толеyтаева Аида марапатталды.
Азине Шынаргул 2007 жылы Қарағанды облысы, Жаңаарқа ауданындағы орта мектептің табалдырығын аттап, 2017 жылы «Жыл оқушысы-2017» атанды. 2018 жылы орта білімді «үздік» аяқтап, Қазтұтынуодағы Қарағанды университеті «Әлеуметтік жұмыс» білім берy бағдарламасына оқуға түсті.
2021 жылы оқудағы жетістіктері мен өмірлік ұстанымымның арқасында Ассоциация KAZENERGY грантын иеленді. Университеттегі шығармашылығы мен қызығушылығын арттырып, облыстық-республикалық жарыстарға мақалалар жазды. Университетте үздік оқумен қатар қаланың қоғамдық шараларына, жастар арасындағы еріктілер жұмыстарына белсене араласады.
Кафедра өз студенттерінің жетістіктерін мақтан тұтады және оларға өмір жолында табыс тілейді!
