27 қараша 2018 жылы Қазақстан Республикасының Конституциялық Кеңес Аппаратының жетекшісі Нурмуханов Б.М. Бизнес және құқық факультетінің деканы, профессор Ф.С. Момышеваға, ЭҚҚР кафедрасының меңгерушісі, профессор Н.Р. Весельскаяға және ЖҚАП кафедрасының меңгерушісі PhD докторы Т.И. Ауға біліктілікті арттыру сертификаттарын табыс етті.
«Сандық Қазақстан» Мемлекеттік бағдарламасын іске асыру шеңберінде және «Бухгалтерлік есеп және аудит» кафедрасының студенттердің ғылыми зерттеу жұмысынын ұйымдастырудың жоспарына сай 2018 жылдың 29 қарашасында «Экономикадағы сандық теңдестірудің негізгі бағыттары мен тәсілдері» тақырыбында дөңгелек үстел өткізілді. Дөңгелек үстелге кафедраның профессор-оқытушылар құрамы, СҒЗЖ факультеттің жауапты оқытушысы А.Е.Майкенова және «Есеп және аудит» білім беру бағдарламасының студенттері қатысты.
Дөңгелек үстелде еліміздегі «Сандық Қазақстан» бағдарламасы аясында жүргізіліп жатқан іс-шаралар аталып, оның ішінде біздің Қарағанды өңіріндегі білім беру, медицина салаларындағы жетістіктер қатары айтылып өтті. Сонымен қатар, дөңгелек үстелге қатысушылар еліміздегі ІТ технология жетістіктерін талқылап, осы бағытта әзірленген ізденістерін ортаға салды.
2018 жылдың 30 қарашасында «Банктік менеджмент және қаржылық нарықтар» кафедрасы Отандық және Ресейлік оқу орындары студеенттерінің қатысуымен VII Республикалық пәндік олимпиаданы ұйымдастырды.
Аталмыш олимпиада Краснодар, Астана, Алматы және Қарағанды қаласының беделді оқу орындары белсене қатысты. Яғни, КубМАУ, НАРХОЗ, ҚазАТУ, ҚҚЭУ, ҚТЛ, ЕҰУ және т.с.с.
Әр студенттер жарысқа белсене қатыса отырып, шиеленісті сәттерде лайықты жеңімпаздарын анықтады. Қорытынды бойынша келесі оқу орындары орындарға ие болды:
1-орын: КубҰАУ және НАРХОЗ
2-орын: ҚҚЭУ, ЕҰУ және ҚазАТУ
3-орын: КЭПБ және ҚТЛ
Жеңімпаздарды шың жүректен құттықтаймыз!!!
ӘЖ және ҚХА кафедрасы кәсіби бағдар жұмысы аясында Қарағанды банк колледжінің «Әлеуметтік жұмыс» мамандықтары студенттері үшін Ашық есік күнін өткізді. Студенттермен кездесу барысында «Әлеуметтік жұмыс» білім беру бағдарламасының мақсаты, мазмұны, міндеттері сондай-ақ әлеуметтік қызмет көрсету саласында жұмыспен қамтамасыз ету мүмкіндіктері туралы ақпараттар берілді. Кафедраның «Даму» ғылыми-оқу өндірістік кешені кадр дайындаудың сапасы мен жүйелігінің күәлігі ретінде жұмысы студенттердің басты назарын аудартты.
Экскурсия барысында студенттер ҚҚЭУ-дің ақпараттық білім беру орталығы, Студенттерге қызмет көрсету орталығы, лаборатория және музейдің экспонаттарымен танысты. Әсіресе «Сандық оқыту технологиясы» мен әлеуметтік қызмет көрсету саласын цифрландыру мүмкіндіктері студенттерді қызықтырды.
Кездесу әсерлі нәтижелі болды, яғни студенттер ӘЖ және ҚХА кафедрасының «Әлеуметтік жұмыс» қашықтықтан оқыту мектебі арқылы ҰБТ тапсыруға дайындық пен басқа да форматтағы іс-шараларға бірлесіп жұмыс істеуге ниеттерін білдірді.
Көпсалалы медициналық орталық «Гиппократ» ЖШС базасындағы «LIFE IN» оңалту-санаторий орталығында «Әлеуметтік жұмыс және ҚХА» кафедрасының меңгерушісі Абдакимова М.К., аға оқытушы Алпысбаев М.Б. «Әлеуметтік жұмыс» және «Құқық негіздері және экономика» мамандықтары студенттерімен көшпелі сабақ жүргізді. Орталықтың әлеуметтік, медициналық қызметкерлері студенттерді осы мекеменің оңалту бағдарламаларымен таныстырды. Ұжымның қолдауымен студенттермен психологиялық тренинг өткізілді. «LIFE IN» оңалту орталығы әртүрлі санаттағы ем қабылдаушылар үшін сауықтыру бағдарламасы бойынша әртүлі жастағы адамдармен оңалту жұмыстарын жүргізеді (оның ішінде ДЦП-мен ауыратындар бар).
«Жалпықұқықтық және арнайы пәндер» кафедрасының доценті, з.ғ.к., Байкенжина Күлбағила Алиакпаровна мен Ю-22к тобының студені Қалиева Ақерке Жезқазған қаласындағы «Бизнес және көлік» колледжінің жоғарғы курс студенттері мен ата-аналарымен кездесу өткізді. Кездесу барысында, ЖОО түсу шарттары мен ережелері кең ауқымда талқыланып, Қарағанды Экономикалық Университетінің бейнежазбасы көрсетілді. Сұрақ- жауап негізінде, бүгінгі жас ұрпақты дамытудың келесідей басымдықтары: Заманауи Қазақстанның даму жолындағы жастардың білім алуы мен еңбекке орыналасуы жайлы сұрақтар қарастырылды. Ал студенттің тарапынан, университет қабырғасында білім ала отырып, оның берер мүмкіндіктері бойынша мәліметтер айтылып өтті. Колледждің жас түлектері университет бойынша, ауқымды мәлімет алу үшін Университеттке келуге ұсыныс білдірді.
Кездесу аяқталған соң, «Құқықтану» мамандығы бойынша білім алып жатқан 2-3 курс студенттерінің арасында, «Тіл дағдыры-ел тағдыры» тақырыбында зияткерлік сайыс өткізілді
2018 жылғы 20 қарашадан бастап 28 қарашаға дейін Қарағанды экономикалық университеті (Қазақстан) мен “Экономика жоғары мектебі” Ұлттық ғылыми университеті (Ресей) арасындағы Ынтымақтастық туралы Келісім аясында Қарағанды экономикалық университетінің 17 қызметкері «Университеттегі білім беру менеджменті 4.0» қосымша кәсіби біліктілікті арттыру бағдарламасы бойынша 72 академиялық сағат құрайтын дәріс тыңдады. Дәрісті сәтті аяқтағаннан кейін қатысушыларға белгіленген үлгідегі сертификаттар берілді.
«Мейрамхана және қонақ үй бизнесі» мамандығының 1 курс студенттерін бейімдеу үшін жеміс лимонадтарын дайындау бойынша мастер-класс өткізілді.
РД-23с тобының студенті Мозговой Александр сабақтан бос уақытында «Villa Borgeze» мейрамханасында бармен болып жұмыс істейді. Кураторы Алексеенко Т.Н. болып табылатын РД-12, РД-15с топтарының студенттеріне Александр табиғи жеміс лимонадтарын дайындау бойынша лимонадты дайындау және қызмет көрсету туралы айтып мастер-класс өткізді. Бірінші курс студенттері тәлімгердің басшылығымен өздерінің дағдыларын нығайтты.
«Әлеуметтік жұмыс және ҚХА» кафедрасының оқытушылары мен «Әлеуметтік жұмыс» және «Құқық негіздері және экономика» мамандығы студенттері Ұлт көшбасшысы Қазақстан Республикасы Президенті Н.А. Назарбаевтың «Ұлы даланың жеті қыры» атты бағдарламалық мақаласын талқылады.
Президенттің «Ұлы даланың жеті қыры» атты жаңа мақаласы «Рухани жаңғыру» бағдарламасының жалғасы іспетті болып отыр. Мақалада ол еліміздің рухани дамуы үшін бүгінгі күнгі ғылыми, тарихи және моральдық қажеттіліктерді көрсетіп берді.
Мақаланы талқылау барысында қатысушылар Елбасы ұсынған Қазақстан халқының мәдени мұрасын насихаттау мен тарихты зерттеу бойынша алты жаңа жобаны жүзеге асыру әлемдік өркениеттің дамуындағы мәдениеттің, өнердің және ғылымның ілгерлеуіне қосқан қайталанбас үлесі екенін баса атап өтті.
"Экология және бағалау" кафедрасы студенттерге арналған "Коммуникативтік мәдениет: жұмыс беруші – түлек"атты тренинг - семинар өткізді. Тренинг-семинарға Қарағанды облысының Экология және табиғи ресурстар департаментінің бас мамандары Н. Сәдібек және А. Жамшыбай шақырылды. Кездесу студенттерге үлкен қызығушылық тудырып, болашақ мамандығына, алған білімдерін қолдану саласына, жұмысқа орналасу және мансапты құру мүмкіндіктеріне қатысты көптеген қызықты сұрақтарға жауап берді. Қонақтар біздің түлектерімізге қызығушылық танытып, оларды болашақта жұмысқа орналастыру арқылы тәжірибеден өту үшін өз кәсіпорындарына шақырды.
"Экология және бағалау" кафедрасы Қарағанды қаласының жоғары оқу орындары мен колледж студенттері арасында "Бағалау көшбасшысы - 2018" атты зияткерлік ойынын өткізді.
Ойынды қазылар алқасы бағалады: Жүсіп Айнұр Өмірзаққызы - "BWCOMPANY" ЖШС бағалау компаниясының бас директоры (Астана қ.), Галинский Иван Анатольевич -"Эксперт" ҚӨО ЖШС бас маманы, Сихимбаев Мұратбай Рыздықбайұлы - э.ғ.д., профессор.
Зияткерлік ойын 4 кезеңнен тұрды:
I тур "ҮЙ ТАПСЫРМАСЫ". Әр команда өзін слайд түрінде таныстырды. Олар өз командасы мен "Бағалау"мамандығының өзектілігі туралы әңгімеледі.
II тур " НЕ? ҚАЙДА? ҚАШАН?". Командалар болашақ мамандыққа қатысты сұрақтарға жауап берді.
III тур "КАПИТАНДАР САЙЫСЫ". Команда капитандары "Бағалау" мамандығы бойынша сайысқа түсті.
IV тур "КРОССВОРД". Ойынның ең қызықты бөлігі 20 сұрақтан тұрады, негізінен "Бағалау" мамандығы бойынша.
Ойын қорытындысы бойынша орындар келесідей бөлінді::
1 орын – Қарағанды экономикалық университеті;
2 орын –Қарағанды мемлекеттік техникалық университеті;
3 орын –ҚЭУ экономика, бизнес және құқық колледжі.
Барлық қатысушыларды құттықтаймыз!
