«Туризм» мамандығының жан-жақты дамудағы мүмкіндігі

Жарияланған күні: 29 Маусым 2017.

Саяхат жасау арқылы арқылы адам жан-жақты байи түседі. Ал жаңа білім алу мақсатындағы саяхаттау екі есе сәттілікке бағытталады. ҚҚЭУ-ң «Туризм» мамандығының студенттері 25.06.2017 жылы Будапеште (Венгрия) өткен халықаралық тәжірибеден оралды. Тәжірибе Я. Кодолани атындағы қолданбалы ғылымдар университеті базасында ұйымдастырылды. Бағдарлама барысында Венгриядағы дамыған жеке туризм түрлерінің ұйымдастырылуы ерекшеліктерімен және турөнімдердің құрастыру әдістері зерттелінді. Тур-31к тобының студенті Шәкенова Айшаның айтуы бойынша «Біз көптеген ұмытылмас әсер алдық, мұнда көргендеріміз келешектегі тәжірибелік жұмыстарымызда қолдануға, яғни шетелдік туристер үшін туристік машруттарды ұйымдастырудың жаңа әдіс-құралдарын енгізуімізге мүмкіндік береді. Осындай тәжірибе өтуге мүмкіндік жасаған университетке және әсіресе ректорЕ.Б.Аймагамбетовке өз алғыстарымызды білдіреміз».

Толығырақ...

Академиялық мобилділік

Жарияланған күні: 29 Маусым 2017.

«Әлеуметтік жұмыс» мамандығының СР-23 с/к тобы студенттері 06.02.2017-30.06.2017 ж. аралығында Белгород қаласы, «НИУ» Белгород Мемлекеттік Университетінде академиялық мобилділік бойынша оқудан өтті. Академиялық мобилділік уақытында БелМУ «НИУ» жетекшілігімен 2-ші халықаралық ШҰ елдері жастарының форумы өткізілді. Студенттердің айтуынша, оқу үрдісінде студенттердің логикалық ойлауы мен талдау жасауына, өзіндік қорытынды шығаруға үйрететін қазіргі заманғы оқу әдістері қолданылды. Сонымен қоса, БелМУ-дегі оқу студенттер өмірін мәдени-спорттық шаралармен толықтырды.
Біздің студенттер ҚҚЭУ ректоры Аймағамбетов Ерқара Балқараевичке және Әлеуметтік жұмыс және әлеуметтік-саяси пәндер кафедрасына академиялық мобилділік бойынша шетелде оқуға мүмкіндік бергені үшін алғысын білдіреді! Басқа жаңа тәжірибе іздеуші студент қауымына академиялық мобилділік қатысушысы болуға шақырады.

Толығырақ...

Краков экономикалық университетінің (Польша) PhD, профессорының қонақтарға арналған дәрістері

Жарияланған күні: 28 Маусым 2017.

Қарағанды экономикалық университеті Еуропа университеттерінің Ұлы Хартиясына қол қойған Қазақстанның жоғары оқу орындарының бірі болып табылады. Біздің университет бірнеше халықаралық ұйымдардың мүшесі болып табылады, атап айтқанда: Халықаралық Университеттер Ассоциациясы, Университеттердің Еуропалық Ассоциациясы, EdNet білім беру мекемелерінің Ассоциациясы, ТМД елдерінің кооперативтік жоғары оқу орындарының кеңесі және басқалары.
ҚЭУ халықаралық ұйымдар мен олардың Қазақстандағы өкілдіктерімен белсенді ынтымақтасады. Атап айтқанда, Erasmus + Еуропалық Одақ бағдарламасы, Герман академиялық алмасу қызметі (DAAD), Ұлыбритания Кеңесінің Ньютон Әл-Фараби атындағы Серіктестік бағдарламасы. Жыл сайын біздің университеттің халықаралық ынтымақтастық географиясы кеңейтілуде, бұл сондай-ақ, академиялық ұтқырлық бағытына, бірлескен ғылыми-зерттеу қызметіне, халықаралық бағдарламаларға қатысу бағытына қатысты.
Халықаралық ынтымақтастық шеңберінде шетелдік профессорлар магистранттар мен докторанттарға дәріс оқиды. 5-і мен 17-ші маусым аралығында Краков экономикалық университетінің ғылыми жұмыс және халықаралық ынтымақтастық жөніндегі проректоры, э.ғ.д., профессор Януш Тэчке ҚЭУ шеңберінде дәріс оқиды. Ғалым Болон процесі контекстінде және біздің университетпен халықаралық ынтымақтастықты дамытуда ғылым мен білімнің дамуына зор үлесі бар.
Профессор Януш Тэчкенің біздің университетте бірінші сапары емес екенін атап өткен жөн. 2013 жылы Қарағанды экономикалық университетінің құрметті профессоры атанды. Краков ғалымы – қазіргі заманның түрлі жаһандық экономикалық форумдардың міндетті қатысушысы. Профессор бүкіл әлем студенттерімен өз білімімен бөліседі, ол Еуропа мен Американың жетекші жоғары оқу орындарында дәріс оқыды. ҚЭУ студенттеріне, магистранттар мен оқытушыларға профессор «Қазіргі қоғамдағы менеджмент» пәні бойынша дәріс дайындады. Оның дәрістері тыңдаушылар арасында өте танымал болып табылады және оның ақжарқындығы мен тіл тапқыштығы біздің магистранттар мен докторанттар ішінде өз қабілеттілігін ашуға және тақырыпты терең оқуға мүмкіндік береді.

Толығырақ...

Лондон профессорының онлайн-дәрісі

Жарияланған күні: 28 Маусым 2017.

2017 жылдың маусым айында Көптілді білім беру орталығымен ҚҚЭУ көптілді оқытушыларына арналған E-learning электрондық оқыту жүйесі бойынша «Critical Thinking in the classroom (Teaching subjects in English for non-native speakers)» атты онлайн-дәріс ұйымдастырылды. Онлайн-дәрісті көптілді білім беруді дамыту мақсатымен Брунель Университетімен халықаралық серіктестік аясында халықаралық бизнесті дамыту бағдарламасының директоры, Брунель Университетінің стратегиялық және операциялық менеджмент, сыни ойлау және МВА жөніндегі аға лекторы (Лондон, Ұлыбритания), PhD Абрахам Алтонаян жүргізді. Онлайн-дәріс барысында оқытушылар сыни ойлауды дамытуға арналған практикалық тапсырмаларды белсенді орындады және ағылшын тілінде пәндерді оқытуда сыни ойлауды қолдану тәжірибелерімен алмасты.

Толығырақ...

Қазтұтынуодағы Қарағанды экономикалық университеті ғалымдары мен Венгрияның және Чехияның шетелдік профессорларының кездесуі

Жарияланған күні: 28 Маусым 2017.

2017 жылғы 27 маусымда Қарағанды экономикалық университетінде ғылыми жұмыс, стратегиялық және инновациялық даму жөніндегі проректор, э.ғ.д., профессор М.Р. Сихимбаев, экономикалық-құқықтық зерттеулер ҒЗИ ғалымдары, з.ғ.д., профессор Т.А. Ханов, э.ғ.д., профессор Қ.С. Айнабек, э.ғ.д., профессор Д.Р. Сихимбаева мен шетелдік профессорлар, Халықаралық байланыстар және сауда институтынан доктор Ласло Вас (Будапешт, Венгрия) пен Экономика Университетінен PhD Мартин Пелух (Прага, Чехия) кездесулері болды.
Кездесудің негізгі векторы ғалымдар мен оқытушылардың оқыту (сабақ беру) шеберлігін арттыру және ғылыми деңгейлерін өсіру мақсатында, Қарағанды экономикалық университеті мен шетелдік ЖОО-лар арасындағы қатынастарды дамыту және нығайту үшін тәжірибе алмасуға, ғылыми-педагогикалық ынтымақтастықты дамытуға бағытталды.
Кездесуде оқытушылардың сабақ беру шеберліктерін, қызметкерлер үшін біліктілікті арттыру мүмкіндіктерін жетілдіруді тереңдету және студенттердің, магистранттардың, докторанттардың сондай-ақ жас ғалымдардың шығармашылық бастамаларын дамыту үшін халықаралық ғылыми жобалардың нәтижелерін коммерцияландыру перспективаларын, сондай-ақ ЖОО-ішілік ғылымның қажеттіліктерін қанағаттандыратын, бірлескен ғылыми-зерттеу қызметі мақсатында, ЖОО-лар арасындағы қатынастарды одан әрі дамыту және нығайту мәселелері қаралды.
Шетелдік профессорлар өздерінің ғылыми жоспарларымен және қызығушылықтарымен бөлісті, ЖОО-лар арасындағы одан әрі қарайғы шығармашылық ынтымақтастыққа белсенді қызығушылықтарын білдірді.
Кездесу барысында ЖОО-лар арасындағы шығармашылық ынтымақтастық пен бірлескен ғылыми жобалар туралы шарттарды алдағы уақытта жүзеге асыру үшін стратегиялық бағыттар белгіленді.