2019 ж. 27 сәуірде сағат 09.00-де Экономикалық теория және МЖБ кафедрасы (Экономика және басқару факультеті, Қазтұтынуодағының Қарағанды экономикалық университеті) Қарағанды қ. мектептерінің, гимназиялары мен лицейлерінің 11-сынып оқушылары үшін "Эрудит-2019" интеллектуалдық олимпиадасын өткізді. "Эрудит-2019" Олимпиадасын өткізудің негізгі мақсаты жалпы білім беретін мектептері оқушыларының шығармашылық қабілеттерін анықтау және дамыту, олардың оқу-танымдық қызметін ынталандыру және оларға кәсіби бағдар беруге жәрдемдесу болып табылады.
Олимпиадаға келесі мектептердің түлектері қатысты: №52 ОМ, №17 ОМ, №16 ОМ, № 61 ОМ, № 76 ОМ, А. Байтұрсынов атындағы №41 гимназия, №33 ОМ, Теміртау Қ.№17 ом және Шахтинск қ. № 16 ОМ. Барлығы осы оқу жылының 35 мектеп түлегі және 10 мектеп мұғалімі.
Олимпиада қорытындысы бойынша:
1 орын - Муканова Нурсулу (№76 ОМ А. Бөкейханов атындағы.
2 орын - Кенжебек Нұрбек (А. Байтұрсынов атындағы №41 Гимназия) Хабибулиной Алине (№17 ЖББОМ КММ).
3 орын - Рощин Данил (№61 ЖББОМ КММ) , Оразбекова Ұлпан (А. Байтұрсынов атындағы №41).
"Эрудит-2019" зияткерлік олимпиадасы туралы ережеге сәйкес 1-ші орын алған қатысушы Қазтұтынуодағының Қарағанды экономикалық университетіне "мемлекеттік және жергілікті басқару" мамандығына 15% жеңілдікпен 2019-2020 оқу жылына ақы төлеу құқығына ие болады.
-2-ші орын алған қатысушы Қазтұтынуодағының Қарағанды экономикалық университетіне "мемлекеттік және жергілікті басқару" мамандығына 10% жеңілдікпен 2019-2020 оқу жылына ақы төлеу құқығына ие болады.
-3-ші орын алған қатысушы Қазтұтынуодағының Қарағанды экономикалық университетіне "мемлекеттік және жергілікті басқару" мамандығына 5% жеңілдікпен 2019-2020 оқу жылына төлем ақы алады.
Сонымен қатар, белсенді қатысушыларға ҚҚЭУ экономика және басқару факультетінің "активист" мүшелік билеттері берілді. Ал мұғалімдерге ҚҚЭУ ректорының алғыс хаты табысталды.
.
2019 жылдың 22-23 сәуірінде Алматы қаласы Бақшасарай салтанат үйінде 60 тан аса команда бағын сынаған ,жылсайынғы студенттік кәсіпкерлік, стартап және инновациялық сайыс «Enactus Kazakhstan National Expo 2019» халықаралық кубогы өткізілді. Онымен қоса арнайы шақырылған «Beline Kazakhstan» секілді серіктестердің жеке конкурсы ұйымдастырылды . Бұл жарыста біздің командамызбен қоса елімызд әр бұрышынан жиналған басқа да 10 команда бағын сынады. Біздің командамыздың жас құрамы үшін бұл жарыстың танымдық орны ерекше. Ия арнайы жүлделі орын бұйырмаса да біздің командамыз сыннан нәтиже шығарып , тобымыздың стратегиясына болашақта пайдасын тигізер шешімдер мен өзгерістер енгізді.
Әлеуметтік жұмыс және Қазақстан халқы Ассамблеясы кафедрасының оқытушысы С. К. Айтхожина 1 мамыр - Қазақстан халықтарының бірлігі күніне орай «Бірлігіміз жарасқан!» атты дөңгелек үстел өткізді. Дөңгелек үстел жұмысына СР-11 к және ТД-11 к топтары қатысты. Қатысушылар мерекенің пайда болу тарихы бойынша баяндама жасады. Студенттер Қазақстан аумағында тұратын этностық мәдениеттерді құрметтеудің және сақтаудың маңыздылығын атап өтті.
2019 жылы 29 сәуірде Е. А. Бөкетов атындағы Қарағанды мемлекеттік университетінде құқықтық мемлекет пен адам құқығына арналған студенттік ғылыми-зерттеу жұмыстарының аймақтық байқауы өтті. Байқау қорытындысы бойынша Қазтұтынуодағы Қарағанды экономикалық университетінің ТД – 21-к тобының студенті Амангельдиева Әйгерім Қайратқызы, ғылыми жетекшілері Абжжжқ кафедрасының меңгерушісі Т. И. және кафедра профессоры Балғымбеков Д. У. "Балалардың құқықтарын қорғау: халықаралық конвенциялар және Қазақстан Республикасының заңнамасы" тақырыбында баяндама жасап, 1 орынды иеленіп, 1 дәрежелі дипломмен марапатталды.
"Туризм және мейрамхана ісі" кафедрасының аға оқытушысы Аешова Н.Т. "Мейрамхана ісі және мейманхана бизнесі" мамандығының 2, 3 курс студенттері үшін "Додо Пицца" пиццерия желісінде университеттен тыс дәріс ұйымдастырды.
Додо Пицца - 2011 жылы Сыктывкар қаласында ашылған компания болып табылады. Қазіргі таңда пиццерия желісі Ресей, АҚШ, Қытай, Литва, Қазақстан, Румыния, Эстония, Қырғызстан, Өзбекстан мемлекеттерінде қызмет көрсетуде.
Пиццерия менеджері қонақтарды қабылдау үрдісіне, кәсіпорынның жеке қызметтік - тұрмыстық орын-жайларына қызықты ақпараттық экскурсия өткізіп, сонымен қатар қызмет көрсетуді ұйымдастыру бойынша студенттерде туындаған сауалдарға жауап берді.
"Туризм және мейрамхана ісі" кафедрасы студенттермен бірге "Жаңғырту болашаққа қадам: Рухани жаңғыру"бағдарламасы шеңберінде Елбасы Н. Ә. Назарбаевтың жолдауы бойынша дөңгелек үстел түрінде ашық кураторлық сағат өткізді.
РД-23с, 22, 21к тобының 2 курс студенттері Қарағанды облысының мектептерінде, университеттерінде, колледждерінде "болашаққа қадам: Рухани жаңғыру "бағдарламасын жүзеге асыру қорытындысын шығару" тақырыбында баяндама жасап, Қарағанды облысы бойынша осы бағдарламаға арналған және өткізілген іс-шаралар туралы сұрақтар талқыланды.
Магистр, аға оқытушы З.А.Абдурахманованың ұйымдастыруымен "Қонақжайлылық индустриясының негіздері" пәні бойынша "Мейрамхана бизнесі дамуының заманауи тенденциялары" тақырыбында Қарағанды қаласындағы"Емріге city" қонақ үй және мейрамхана кешенінде РД-11к, 14с/к, РД-15с, РД-22 топтарымен университеттен тыс дәріс сабағы өткізілді.
Бұл дәріс студенттердің таңдаған мамандығына деген қызығушылығын арттыру, тамақтандыру, орналастыру және демалу кәсіпорындарындағы жаңа технологиялық жабдықтармен таныстыру мақсатында өткізілді. Олар мейрамхана, қонақ үй кешені, нөмірлік қоры мен пабымен танысып, өте пайдалы, қызықты және жеткілікті көлемді ақпарат алды. Сонымен қатар оқытылатын пән элементтері де қамтылды.
"Empire city" әкімшілігі біздің студенттерімізге қызығушылығын тудырып, студенттеріміз өндірістік тәжірибені осы кешеннен өтуі туралы бастаманы ұсынды.
Қазтұтынуодағының Қарағанды экономикалық университетінде 2019 жылы 25 сәуірде "Рухани жаңғыру "бағдарламасын жүзеге асыру аясында" жасыл" экономиканы дамыту жағдайында экологиялық бағытталған қоғамдық пікір мен экологиялық білімді қалыптастыру "атты республикалық ғылыми-практикалық семинар өтті.
Семинардың мақсаты: экологиялық мәселелерге және оларды елдегі шешу жолдарына назар аудару, экологиялық мәдениетті арттыру және халықтың экологиялық дүниетанымын кеңейту.
Семинар аясында акция өткізілді:
1. Ағаш көшеттерін отырғызу;
2. "Қақпақтар" жобасы: кейіннен өңдеу үшін пластикалық қақпақтарды жинауға арналған жәшіктерді орнату;
Семинарға мемлекеттік қызметтер, ЗТБ, ЖШС, ҮЕҰ және ЖОО қатысты.
Семинар аясында талқылау және пікір алмасу өткізілді:
- негізгі мәселелер және оларды шешу жолдарын талқылау бойынша;
- практикалық қызмет саласының қатысушылары мен білім беру ортасының өкілдері арасында жұмыс тәжірибесі туралы ақпарат алмасу;
- барлық мүдделі тараптарды тарта отырып, халықтың экологиялық мәдениетін қалыптастыру мәселелері •
Семинар қорытындысы бойынша халықтың экологиялық мәдениетін қалыптастыру бойынша ұсыныстар әзірленді.
Айтыс – ауыз әдебиетінде ежелден қалыптасқан топ алдында қолма-қол суырып салып айтылатын сөз сайысы, жыр жарысы, қазақ халқының ғасырлардан үзілмей жеткен рухани асыл қазынасы. Тәуелсіздік таңының атуымен ұлттық өнеріміздің биік шыңы айтыс өнері де қайта жаңғырды.
23-сәуір күні Студенттердің мәдениет сарайында Қазақ тілі және Қазақстан мәдениеті кафедрасының ұйымдастыруымен «Мәңгілік ел – ұлт мұраты» атты студенттер арасында облыстық ақындар айтысы өтті. Айтыс «Рухани жаңғыру» бағдарламасы мен «Жастар жылының» аясында өткізілді. Белгілі ақын Ә.Тәжібаевтың 110-жылдығына арналды. Өнер бәйгесіне қатысқан 8 ақын, тақырыпты кең ауқымда жырлап қана қоймай, келген көрерменге мазмұнды әрі әзіл-қалжыңға толы айтыс тарту етті. Іс-шара барысында ұлттық өнер түрлері насихатталып, әуелеген ән мен қоңыр күй, мың бұралған би де болды. Айтысқа облыс, республика көлеміне танымал ақын-журналистер Е.Мұсабеков, І.Мұқай, Қ.Иманбековтер қазылық етті. Жыр додасының қорытындысы бойынша жүлделі 1-орынға Қамиев Ұланғасыр (ҚЭУ), 2-орынға Ботпаев Доскей (ҚарМТУ), 3-орынға Тілеубек Жанарыс, Ерғалиев Әлихан (екеуі де Теміртау қаласы) ие болды. Облыс көлеміндегі ауқымды іс-шара туралы облыстық БАҚ жарияланатын болады.
"Халықаралық қатынастар" мамандығы, МО-22 тобының студенті Басуматоров Михаил және "Әлемдік Экономика және Халықаралық қатынастар" кафедрасының оқытушысы Калиева Гаухар Кеңесханқызы «Россия − Азия − Африка − Латинская Америка: экономика взаимного доверия» атты Х Еуразиялық экономикалық жастар форумында және экономистер конгресінің аясында «Поведенческая экономика: современная концепция экономического развития» өткен мақалалар сайысында 3 орын және ІІІ дәрежелі дипломмен марапатталды.»
ҚҚЭУ кітапханасы «Дүниежүзілік кітап және авторлық құқық» күніне арнап: «Кітап.Жастар.Табыс.» атты Библиотаң өткізді. Мерекеге ЭБҚ колледжінің студенттері мен университет студенттері қатысты. Жастарға әр түрлі қызықты бағдарламалар ұсынылды.
