2019 жылы 26 қыркүйекте "Туризм және мейрамхана ісі" кафедрасы "Достық" Коворкинг орталығында ҒЗЖ өкілдері Ханов Т.А., Феткулов А.Х., Орынбеков А.С., кафедра оқытушылары Абдурахманова З.А., Алексеенко Т.Н, Аешова Н.Т., Жуспекова А.К және 1-4 курс студенттерінің қатысуымен Дүниежүзілік туризм күніне арналған дөңгелек үстел өткізді. "Туризм" және "Мейрамхана ісі және қонақ үй бизнесі" мамандығының студенттері Шәріпова С., Гун А, Сатмаганбетова А., Каранова Б., Төлеуханова А. өздерінің ғылыми жобаларын ұсынды.
Дөңгелек үстелді өткізудің мақсаты-1 курс студенттерін СҒЗЖ-ға тарту, ол әрбір студентке жеке тұлғаның шығармашылық дамуына, ғылыми зерттеулерге қатысуға өз құқығын жүзеге асыруға мүмкіндік береді.
«Мұражайтану» пәні шеңберінде туризм және мейрамхана ісі кафедрасы Тур-18-1к тобына Қарағанды облыстық тарихи-өлкетану мұражайында университеттен тыс дәріс өткізді. Экскурсия барысында студенттер мұражайдың басты экспонаттарымен, облыс тарихымен танысты. Экзпозиялар археологиялық олжалар, көмір өндірудің басталуы, қазақ халқының салт-дәстүрлері туралы баяндайды. Студенттер экскурсия арқылы мұражайдағы жұмыстың қыр-сырын және экскурсоводтың міндеттерін туралы толығырақ білді.
«Туризм және мейрамхана ісі» кафедрасы «Туризм» және «Мейрамхана ісі» мамандығының 1-2 курс студенттерін Саяси қуғын-сүргін құрбандарын еске алу музейіне (Долинка ауылы) университеттен тыс дәріс ұйымдастырды. Студенттер мұражайға келушілер репрессияға ұшыраған және жер аударылғандар қандай сынақтардан өткенін сезіне алатындай етіп салынған мұражайдың тарихы туралы білуге мүмкіндік алды. Іс-шара қазіргі қоғамды ел тарихындағы түрлі оқиғаларды зерделеуге тартуға, сонымен қатар студенттерге саяси терроризм жылдарын экспозициялардың көмегімен көрсетуге және студенттерге жеткізуге бағытталған.
2019 жылдың 24-27 қыркүйек аралығында, «Рухани Жағыру» бағдарламасы аясында С.Сапиев атындағы Бокс орталығында «IT-WEEK.KZ-2019» халықаралық форумы өткізілді.
Іс-шараны «Алтын қазына» қоғамдық бірлестігі, Қарағанды облысының жастар саясаты мәселелері басқармасы және Қарағанды облысының цифрландыру басқармасы ұйымдастырды.
Бұл форумның мақсаты Қарағанды облысының цифрлық қоғамдастығын дамыту және қалыптастыру, облыстың IT саласындағы кадрлық мәселелерді шешуге ықпал ету, азаматтарды билік органдарымен электрондық өзара әрекеттесудің мүмкіндіктері туралы ақпараттандыру және аймақтың тұрғындары мен ұйымдары арасында ақпараттық технологияларды дамыту болып табылды.
Форум бағдарламасына отандық және шетелдік IT-компаниялардың өкілдерінен шеберлік сабақтары, бос жұмыс орындар жәрмеңкесі және цифрлық технологиялар көрмесі кірді. Негізгі оқиға 48 сағатқа созылған хакатон болды. Оған отыз команда қатысты, олардың құрамына студенттер мен жас мамандар кірді.
Жиынтық құрамадағы Қазтұтынуодағы Қарағанды экономикалық университетінің студенттері екінші орынға ие болып, 300 мың теңге көлемінде сыйлық алды. Олар «Таза қала» қосымшасын жасады. Бұл пайдаланушыларға рұқсат етілмеген қоқыс орындарынан фотосуреттерді қаланы тазартуға жауапты уәкілетті органға жіберуге мүмкіндік береді. Бұл бағдарлама сынақтан өтті және пайдалануға дайын.
Қарағанды облысының Экология департаменті Экологиялық кодексінің жобасын түсіндіру бойынша мәжіліс өткізді. Оған кафедраның меңгерушісі Байкенова Г. Г., экологиялық және бағалау кафедрасының ЭКО-41Қ және ЭКО-42 топтарының студенттері қатысты.
Жаңа экологиялық кодексі жобасының Қазахстан Ресупубликасы Экология, геология және табиғи ресурстар министерлігінің Экологиялық реттеу және бақылау комитеті төрағасы З.С. Жолдасовтың жетекшілігімен өтті.
Оспанова Гүлнар Қуантайқызы- х. ғ. к., экология және бағалау кафедрасының доценті, «Bilim-orkeniety» ұлттық инновациялық ғылыми-зерттеу орталығының бастамасымен «Үздік педагог» республикалық жобасының «Үздік ғылым кандидаты-2019» тақырыбындағы педагогтар кітабы жинағының бірінші шығарылымына енген жеңісімен.
«Үздік ғылым кандидаты-2019» республикалық түсті кітап жинағымен, «Үздік ғылым кандидаты-2019» арнайы төс белгісімен, дипломмен, сертификатпен, алғыс хатпен марапатталды.
Отбасына құт береке және шығармашылық табыс тілейміз.
«Достық коворкинг орталығы» Технологиялық бизнес инкубаторының студенттердің кәсіпкерлік дағдыларын дамыту бойынша іс-шаралар күнтізбесіне сәйкес, 20 қыркүйекте «ҚазАгро» Ұлттық басқарушы холдингі» АҚ менеджері М.Тосканбаевпен кездесу өтті. Ол студенттерді кәсіпкерлікті дамыту мен қолдауға байланысты мемлекеттік бағдарламалармен таныстырып, кәсіпкерлікті қолдаудың қаржылық және қаржылық емес шаралары жайлы сөз қозғады.
Кездесу ашық әңгіме нысанында жалғасты. Студенттер кіші әрі орта бизнесті мемлекеттік қолдаумен байласнысты кәсіби түсіндірулер мен тәжірибелік ұсыныстар алды.
Қарағанды қаласы әкімдігінің «Қарағанды қаласының білім бөлімі» Мемлекеттік мекемесінің Әлихан Бөкейхан атындағы № 76 жалпы білім беретін орта мектебінде 20 қыркүйек 2019 жылы «Мамандықты дұрыс таңдау – табысты өмірдің кілті» атты 9-11 сынып оқушыларының қатысуымен кеш ұйымдастырылды.
Мамандықты дұрыс таңдау – табысты өмірдің кілті. Осы мақсатта қаламыздың еңбек ардагерлері мен орта және жоғары арнайы оқу орындары мамандары шақырылып, оқушыларға қажетті ақпараттар берілді. Осы кешке «Банк менеджменті және қаржы нарықтары» кафедрасының аға оқытушысы К.А. Ермекова қатысты. Мамандық тандау жолында адаспай, өмірден өз орындарын тауып, дүниенің бір кірпіші болып қалануларына шын жүректен тілектестігін білдірді. Мектеп директоры Күзембаев Маратбек Қайыркенович сөз сөйледі. Артынша кәсіптік бағдар беру жұмысын атқаратын директордың орынбасары Алдияров Кубейсін Мырзапиярұлы сөз алды.
«Банк менеджменті және қаржы нарықтары» кафедрасының кураторлары Ермекова К. А., Гусманова Ж. А., Калкабаева Г. М. және Исанов А.С. 17 қыркүйек күні ҚР Президентінің жолдауына арналған кураторлық сағат өткізді.
Ф-11к, Ф-33ск, Ф-41к топтарының қатысуымен Қ.К.Тоқаевтың 2019 жылғы 2 қыркүйектегі жарияланған жолдауына байланысты студенттер арнайы баяндамалар оқыды:
- ҚАЗІРГІ ТИІМДІ МЕМЛЕКЕТ;
- АЗАМАТТАРДЫҢ ҚҰҚЫҚТАРЫ МЕН ҚАУІПСІЗДІГІН ҚАМТАМАСЫЗ ЕТУ;
- ДАМЫҒАН ЖӘНЕ ИНКЛЮЗИВТІ ЭКОНОМИКА;
- ӘЛЕУМЕТТІК ЖАҢҒЫРТУДЫҢ ЖАҢА КЕЗЕҢІ;
- КҮШТІ ӨҢІРЛЕР - КҮШТІ ЕЛ.
Оқылған баяндамалар ҚР Президентінің Жолдауын жүзеге асыруға ықпал етеді. Сонымен қатар, Қарағанды экономикалық университетінің қабырғасында студенттер өз әлеуеттерін арттыруға мүмкіндік алады.
Қарағанды экономикалық университетінде «Бухгалтерлік есеп және аудит», «Экономика», «Қаржы», «Менеджмент». «Юриспруденция» мамандықтары студенттерінің «Халық Банк» АҚ өкілдерімен кездесуі өтті, оның барысында университет түлектерін банкте жұмысқа орналастыру мүмкіндігі талқыланды.
Студенттер мен түлектер банктегі бос жұмыс орындары туралы, қызметкерлерді ынталандыру, оның ішінде мансаптық мүмкіндіктер туралы білді. Банк өкілдері университет түлектерін жұмысқа шақырдs және ҚЭУ дипломы еңбек нарығында әрдайым сұранысқа ие екендігін және оның иелері жоғары білім деңгейімен және кәсіпқойлығымен ерекшеленетінін атап өтті. ҚЭУ түлектері банк өкілдеріне өздерінің түйіндемелерін тағылымдамадан өту және жұмысқа орналасу үшін табыстады.
