2019 жылдың 9 сәуірінде Enactus KEU командасының мүшелері IТ мамандары мен бизнес-кеңесшісі Бадина Юлия Викторовнамен кездесті. Кездесу барысында біз жобаларды дайындау және іске асыру мәселелерін талқыландық.
17 сәуір күні сағат 10.00-де Қарағанды экономикалық университетіңде «Қарағанды калалык жұмыспен қамту және әлеуметтiк бағдарламалар бөлiмi» ММ бірлесе отырып, мемлекеттік мекемелердің, ІТ-компаниялардың, өндірістік компаниялардың жетекші мамандары мен басшылары (50 мекеме) қатысуымен университеттің бітіруші курс студенттері мен өткен жылдардағы түлектерге арналған «Бос жұмыс орындары жәрмеңкесі - 2019» өтті.
«Бос жұмыс орындары жәрмеңкесі - 2019» іс-шарасы барысында жұмыс берушілер студенттермен әңгімелесті, студенттер компания қызметінің түрлері, қазіргі және ықтимал бос жұмыс орындары, компаниялардың жоспарлары туралы ақпаратты белсенді түрде нақтылады. Жұмыс берушілер студенттермен экспресс-әңгімелесу өткізді, «Жастар тәжірибесі» бағдарламасы бойынша ақпараттық-түсіндіру жұмыстарын жүргізді, түйіндемелерді іріктеп алды, қандай да бір позицияда жұмыс істеу ерекшеліктерін түсіндірді.
Шақырылған жұмыс берушілерге “COMPLETE” және “CACTLE” жобалар Ресурстық орталығының қосымша оқыту бағдарламалары туралы, сондай-ақ жақын арада оқыту бағдарламаларының жоспары туралы ақпарат берілді. Компанияның жекелеген өкілдері алдағы уақытта жұмыс жүргізілетін ұсынылып отырған оқуға қызығушылық танытты.
Қарағанды экономикалық университеті қабырғасында өткізілген «ЖАСТАР ЖЫЛЫНДА ӘЛЕУМЕТТІК БАСТАМАЛАР» атты студенттердің инновациялық жобалар байқауында «Экономикалық теория және мемлекеттік және жергілікті басқару» кафедрасының магистр, оқытушысы Ертай Хуанбектің жетекшілігімен «ГМУ-32к» тобының студенттері Бақыт Айкүміс, Шайкенова Зарина ұсынған «FLOWERS 09» бизнес жобасы «Әлеуметтік старт-ап ҚҚЭУ 2019» номинациясы бойынша жеңімпаз атанды және ұйымдастырушылар тарапынан «100 000 тг. сертификаты» табыс етілді.
Аталмыш бизнес жоба Қарағанды қаласы бойынша гүлдерді өсіруге бағытталған. Ұйым қызғалдақ және хризантема гүлдерін өсіріп шығаратын болады.
2019 жылы 16 cәуірде денсаулық мектебінде «Видергебурт» неміс орталығының әлеуметтік қызмет көрсету орталығы базасында «Әлеуметтік жұмыс» мамандығының студенттері үшін «Алғашқы медициналық-әлеуметтік көмектің негіздері» тақырыбында сырттағы сабақ өтті. Дәрісті «облыстық клиникалық аурухана» КМК СӨС дәрігері О. Ш. Жидельбаева, әлеуметтік қызмет көрсету орталығының жетекшісі Л. А. Галуцкая және доцент М. К. Абдакимова оқыды.
Кездесу барысында студенттер Орталықтың әлеуметтік жобаларымен және қайырымдылық жұмыстарымен танысты.
2019 жылдың 5 сәуір күні өткен «Жастар және кооперация - 2019» атты Аймақаралық ғылыми–практикалық конференция қорытындысы бойынша «Экономикалық теория және мемлекеттік және жергілікті басқару» кафедрасының магистр, оқытушысы Ертай Хуанбектің жетекшілігімен «ГМУ-31к» тобының студенттері Шайкенова Зарина, Бақыт Айкүміс «Жастардың болашақ ғылымдағы үлесі» секциясында лауриат атанды. Студенттер дипломдармен, жетекшісі алғыс хатпен марапатталынды.
