KEU CUP I

Жарияланған күні: 01 Сәуір 2019.

Наурыздың 30-31 жұлдызында Қазтұтынуодағы Қарағанды Экономикалық Университетінің қабырғасында "Ел ертеңі-болашақ жастардың қолында" атты Жастар жылына орай "KEU CUP I" республикалық пікірсайыс турнирі өтті. Бұл турнирге Қазақстанның барлық аймақтарынан 103 команда тіркелді, оның 32 команда іріктеліп ЖОО-мыздың қабырғасына келді. Жалпы жүлде қоры 210 000 тг болды. Республикамыздың үздік пікірсайысшылары жиналып, әлемдегі жаһандық проблемаларды талқылауы барысында Еуразия Ұлттық Университетінің командасы үздіктердің үздігі атанып, 1 орын иеленді.

Жастар және Қазақстанның болашағы

Жарияланған күні: 01 Сәуір 2019.

2019 жылдың 29 наурызында Қазтұтынуодағы Қарағанды экономикалық университеті және Қарағанды облысының жастар саясаты мәселелері жөніндегі басқармасы «Қарағанды облысы жастар ресурстық орталығы» КММ ұйымдастырған жалпы білім беру мектептерінің оқушылары, колледж және жоғары оқу орындары студенттерінің қатысуымен «Жастар және Қазақстанның болашағы» Халықаралық ғылыми-тәжірибелік конференция өтті.
Конференцияның алты бағыты бойынша 400-ге жуық қатысушы өздерінің ғылыми жұмыстарын ұсынды: «Мәңгілік ел – жастардың азаматтығы мен патриотизмін дамытудың негізі, тарихи және мәдени мұраны құрметтеуге тәрбиелеу»; «Құқықтық ғылымның теориялық және практикалық аспектілері: қазіргі заманғы жастардың көзқарасы»; «Жастар және кәсіпкерлік: инновациялық идеялар, тәсілдер мен шешімдер»; «Жастарды рухани-адамгершілік дамыту және құқықтық тәрбиелеу мәселелері»; «Жастардың иннофациялық қызметі экономикалық өсу факторы ретінде»; «Жастар денсаулығы – еліміздің табысты болашағының негізі».
Конференцияның халықаралық деңгейі шетел студенттерінің кең аудиториясына қол жеткізуге мүмкіндік берді: Тракий университеті (Болгария), Тәжік мемлекеттік сауда университеті, Қырғыз Республикасы ұлттық қауіпсіздігінің мемлекеттік комитеті институты, В.Я. Кикотя атындағы Ресей ІІМ Мәскеу университеті, Новосибирск мемлдекеттік педагогикалық университеті Ресейдің бірінші Президенті Б. Ельцин атындағы Урал федералдық университеті, Сібір мемлекеттік геожүйе және технология университеті, Башқұрт мемлекеттік университетініғ Стерлитамак филиалы, Чебоксары кооперативтік университеті.
Конференцияға Қазақстан Республикасының жоғары оқу орындарының студенттері белсенді қатысты: Л.Н. Гумилев атындағы ЕҰУ, С.Сейфуллин атындағы ҚазАТУ, І.Жансүгіров атындағы Жетісу мемлекеттік университеті, М.Әуезов атындағы Оңтүстік Қазақстан мемлекеттік университеті, Ш. Қабылбаев атындағы ҚР ІІМ Қостанай академиясы; Қарағанды қаласының ЖОО: Б.Бейсенов атындағы ҚР ІІМ Қарағанды академиясы, Е.А. Букетов атындағы ҚарМУ, ҚарМТУ; Қарағанды облысы және Қарағанды қаласы мектептерінің оқушылары мен колледж студенттері.
Конференцияға қатысушыларды жастар саясатын іске асыру, азаматтық пен патриоттықты дамыту, құқықтық мәдениет, мемлекеттің әлеуметтік-экономикалық дамуына жастардың инновациялық идеялары және қазіргі заманғы жастардың орнын енгізу мәселелері қызықтырды.

Су басу және су тасқыны

Жарияланған күні: 29 Наурыз 2019.

Су басу басқа табиғи апаттардан белгілі бір дәрежеде болжауға болатындығымен өзгешеленеді. Бұл көптеген жағдайларда су басудың уақытын, сипаты мен күтілетін мөлшерін алдын ала анықтауға, сондай-ақ шаралар қабылдау уақытында өз кезегінде су басудың салдарын болдырмауға немесе оның көлемін елеулі түрде азайтуға мүмкіндік береді.

Су басумен күреске ұзақ мерзімді жоспарлар(қорғаныс бөгеттерін, суағарлар, каналдар, суқоймаларын салу және жылсайын әзірленетін және су басу қауіпі болған кезде орындалатын, маусымдық сипаттағы іс-шаралар) бойынша жүзеге асырылатын шаралар кіреді.

«Мәңгілік Ел» жастар волонтерлік акциясы

Жарияланған күні: 27 Наурыз 2019.

ҚҚЭУ – дің «Әлеуметтік жұмыс және Қазақстан халқы Ассамблеясы» кафедрасы Қарағанды қаласының Достық үйінде ұзақ өмір сүру орталығы үшін Наурыз мейрамына арналған «Мәңгілік Ел» жастар волонтерлік акциясын ұйымдастырды.
Достық Үйінде Ақ шаңырақ астында жиналған қауым ұзақ өмір сүру орталығының келушілері студенттермен бірге халық әндерін де, қазіргі заманғы әуенді де шырқап, күрделі емес жаттығуларды орындап, вальспен биледі. Іс-шара «Жайна» ансамблінің әнімен сүйемелденді. Студенттер, ҚҚЭУ оқытушылары қонақтарға сыйлаған мереке өте жарқын, мейірімді, нағыз көктемгі болды.