Құттықтаймыз!

Жарияланған күні: 04 Қаңтар 2018.

«Экономикалық теория және мемлекеттік және жергілікті басқару» кафедрасының ұжымы э.ғ.д., профессор Таубаев Аяпберген Алданаевичті Қазтұтынуодағы Қарағанды экономикалық университетінің «Жыл адамы-2017» атағына ие болуымен құттықтай келе, шығармашылық жетістіктер, отбасына амандық және деніне саулық тілейді.

ЭТ және МЖБ кафедрасының ұжымы.

ЭКОЛОГИЯ ЖӘНЕ БАҒАЛАУ КАФЕДРАСЫНЫҢ АШЫҚ ЕСІКТЕР КҮНІ

Жарияланған күні: 28 Желтоқсан 2017.

23. 12. 17 ж. «Экология және бағалау» кафедрасы Қарағанды және Қарағанды облыстарының мектептері арасында Ашық есік күнін өткізді: КММ Көкпекті ОМ; №25 мектеп; Лицей № 101. Оқушылармен студент-волонтерлар мастер-класс өткізіп, университетке экскурсия жасап және викториналар өткізілді.

«ӨЗІҢДІ ӨЗІҢ ӨЗГЕРТ» практикалық семинары

Жарияланған күні: 28 Желтоқсан 2017.

СҒЗЖ 2017-2018 оқу жылына арналған жоспарына сәйкес 2017 жылғы 15 желтоқсанда сағат 14:30-да «Достық» коворкинг орталығында «Өзіңді өзің өзгерт» тақырыбына практикалық семинар өтті. Семинарды ЭҚЗ ҒЗИ аға ғылыми қызметкері, з.ғ.к., доцент Б.К. Сыздық, ЭҚҚР кафедрасының аға оқытушысы, құқық магистрі А. Амантай өткізді. Семинарға құқықтану мамандығының студенттері қатысты.
Сана жаңғыруы, дұрыс ойлау тетіктерін қалыптастыру мен жетілдіру талқылаудың басты тақырыбы болды. Бүгінгі экономикалық жағдай, әлемдік дамудың заманалық үдерістері, білім беру және ғылым мәселелері сөз болды. Ойлау сатылары, өз бетінше білім алу және білімді іс жүзіне пайдалану туралы тезистер қызу талқыланды.

«Ар намысым, қасіретім, мақтанышым – Желтоқсан»

Жарияланған күні: 15 Желтоқсан 2017.

ҚЭУ-дің Әлеуметтік жұмыс және Қазақстан халқы Ассамблеясы кафедрасының оқытушылары Минжанов Н.А., Манасова М.М университет студенттерінің қатысуымен «Ар намысым, қасіретім, мақтанышым – Желтоқсан» атты Тәуелсіздік түніне арналған ашық танымдық сабақ өткізді.
Сабақ барысында студенттер біздің Тәуелсіздігіміздің жолында арыстандай айбатты, жолбарыстай қайратты, елім – жерім деп шырқыраған жаны қалғанша ұлтарақтай жері үшін, атамекен елі үшін жанын пида еткен ата – бабаларымыз туралы өлең жолдарымен және танымдық видеолармен паш етті. Сонымен қатар сабақ барысында Қ.Рысқұлбеков, Л.Асанова, Е.Сыпатаев және С.Мұхаммеджанов туралы көрініс қойылды. Көрініс бойынша студенттер Желтоқсан оқиғасы ең ауыр және ең әділетсіз оқиға болғандығына көз жеткізді.
Танымдық сабақ барысында студенттер Желтоқсан оқиғасының біздің Тәуелсіздігімізге тікелей қатысы бар екендігін, бұл Желтоқсан оқиғасы бір күндік емес бір жылғы наразылықтың көрінісі екендігін түсінді.
Сабақтың қорытындысын оқытушылар студенттерге алғыс білдіре отырып, ел іргесі тыныш, халқымыздың қуатты болсын деген жалынды тілегін білдірді.