МЖБ Студенттік конференциясы

Жарияланған күні: 25 Қазан 2016.

Ағымдағы жылдың 21 қазан күні сағат 14.00-15.00 аралығында 103 дәрісханада ЭТ және МЖБ кафедрасының ұйымдастыруымен Мемлекеттік жергілікті басқару мамандығының 1-4 курс студенттері арасында «ЖАСТАРДЫҢ ҒЫЛЫМИ ҚАБІЛЕТТІЛІКТЕРІ - ҚАЗАҚСТАННЫҢ БОЛАШАҒЫ» атты Қазақстан Республикасы Тәуелсіздігінің 25 жылдығына орай ұйымдастырылған студенттік конференция өтті.
Студенттік конференция мақсаты мен міндеттері:
- өзекті ғылыми мәселелерді шешуде студенттердің үлесін арттыру;
- конференциядағы ең үздік ғылыми-зерттеу жұмысын анықтап, ынталандыру жұмыстарын жүргізу;
- студенттер бойында ғылыми-зерттеу қабілеттері мен қызығушылықтарын арттыру.
Студенттік конференция жұмысына негізгі 10 үздік мақала іріктелініп қорғауға жіберілді. Жұмыс барысында құрылған әділ қазылар алқасы қорғалған мақалалар арасынан үздік үштікті анықтады. Олар: І орын – Асман Н. ГМУ-42 ғылыми жетекшісі- э.ғ.к., доцент З.Х. Жанбекова , ІІ орын – Қадырбай Е. ГМУ-32к ғылыми жетекшісі- экономика ғылымдарының магистрі Е.Б. Букатов, ІІІ оырн - Құнанбаев С. ГМУ-11к ғылыми жетекшісі- экономика ғылымдарының магистрі Х. Ертай. Жеңімпаздар арнайы дипломдармен марапатталды және олардың мақалалары алдағы уақытта университеттік студенттік конфеенция материалдар жинағына ұсынылатын болады.

Толығырақ...

Маркетинг және логистика кафедрасының «Ашық есік күні»

Жарияланған күні: 25 Қазан 2016.

Маркетинг және логистика кафедрасы «Онкүндік» аясында, Қарағанды қаласының №5, № 76 және Шахтинск қаласының №1,5,16 мектеп оқушыларына арнап «Ашық есік күнін» өткізді. Оқушылар университет ішіне экскурсия жасап, «Маркетинг калейдоскопы» атты мерекелік шараға қатысты. Қонақ ретінде келген жұмыс беруші - кәсіпорын басшылары сөз алып, студенттер мен болашақ студенттерге біздің мамандықтардың еңбек нырығандағы сұранысы жоғары екенін, оқу орнын таңдағанда дұрыс таңдау жасау керектігін айтты. Кеш соңы мерекелік фуршетпен аяқталды

Толығырақ...

«Достар әлемі» Қонақүй кешені базасында өткен сабақ туралы

Жарияланған күні: 24 Қазан 2016.

20-шы қараша 2016 жылы туризм және мейрамхана ісі кафедрасының оқытушылары Б.Т. Матаева және Н.Т. Аешова «Достар әлемі» қонақүй кешені базасында «Туризм» және «МІҚБ» мамандықтарының студенттерімен сабақ өткізуді ұйымдастырды.
Сабақ өткізу барысында студенттер қонақүй бизнесін ұйымдастыру ерекшеліктерімен, жеке қызметтердің және мейрамхана қызметі жұмысының жоспарлауыны сипаттарымен таныса алды. Әсіресе студенттерге кешеннің тарту бағдарламалары қызығушылық тудырды. «Бумер» боулинг қызметкерлерінің әңгімелері қонақүй кешені қызметі бағытының клиентердің көңіл-күйлерін көтеруді ұйымдастыру туралы көз-қарастарды толықтырды.
Аешова «Достар әлемі» қонақүй кешені жетекшілігіне Қазақстандағы жоғары білімдегі тәжірибелік-бағдар саясатына қолдау көрсеткеніне алғыс білдіреміз.

Толығырақ...

«Авалон» ТГҚ және«Nomandic Travel KZ» туркомпания базасындағы сабақ

Жарияланған күні: 21 Қазан 2016.

19-шы қазан 2016 жылы Туризм және мейрамхана ісі кафедрасының оқытушысы А.А. Маймурунова «Туризм» мамандығының Тур-34с/к, 41к тобының студенттерімен «Туроперейтинг» пәні бойынша «Авалон» ТГҚ-на және ««Nomandic Travel KZ» туристік компаниясы базасында сабақ өткізді.
Аталмыш сабақта студенттердің теоретикалық алған білімдерін тәжірибе барысында бекітілді. Сабақ туркомпанияның қызметі барысымен танысумен басталды. «Авалон» ТГҚ-ң президенті Виталий Шуптар студенттерге шетелдік туристер үшін туристік өнімді қалыптастыру және жылжыту ерекшеліктері туралы толық түсіндіріп берді.
Студенттер аса қызығушылық танытып, сұрақтар қойып, кешенді жауаптар алды. Сабақ барысында сонымен бірге, туристік нарықтың даму болашағы мен мәселелері туралы сұрақтар қозғалды.

Толығырақ...

«Ұлы Жібек Жолы» тақырыбына арналған ашық сабақ

Жарияланған күні: 21 Қазан 2016.

14 қазан күні 2016 ж. 103 ауд. ӘЖ және ӘСП кафедрасының оқытушылары магистр Манасова М.М., магистр Маханова Б.Р., магистр Тусупова Г.Н., магистр Тутинова Н.Е. «Ұлы Жібек Жолы» тақырыбына арналған ойын-саяхат түріндегі ашық сабақ өткізді. Ұсынылған тақырыптың негізгі мақсаты: Ұлы Жібек жолының пайда болуы мен таралу тарихына шолу жасай келе, Ұлы Жібек жолының тармақтары, Жібек жолының Қазақстандағы сілемдері, Жібек жолы арқылы тасылған негізгі тауарлар, керуен жолының мәдениет пен діннің, сауданың, қалалардың дамуына қосқан үлесі мен әлеуметтік-экономикалық маңызын ашу, сонымен қатар қазіргі замандағы Ұлы Жібек Жолы идеясының қайта жаңғыруы.
Ашық-танымдық сабаққа «Керуен» (УА-11к тобы), «Мәдениет» (Лог-11к тобы), «Өркениет» (Ф-11к тобы) атты үш топ қатысты. Интеллектуалдық ойын - үш турдан тұрды: І Тур – «Білгенге маржан», ІІ Тур – «Жүйрік болсаң, шауып көр», ІІІ тур – «Ойлан-тап».
Интеллектуалды ойынның барысын қадағалап, бағалап, қорытынды шығарған арнайы шақырылған әділ қазылар алқасының мүшелері: ӘЖ және ӘСП каф. меңгерушісі, п.ғ.к., доцент Абдакимова М.К., каф. аға оқытушысы Мустафин С.Ш.
Ойынның нәтижесі бойынша жүлделі орындарды иеленгендер және дипломдармен марапатталғандар:
1 орын – «Өркениет» (Ф-11к тобы);
2 орын – «Керуен» (УА-11к тобы);
3 орын – «Мәдениет» (Лог-11к тобы).